1908bc British Chinese

營業中

休息中

餐廳主打Fusion中西菜式，環境方面幾寬敞，藍白色裝潢帶點格調，坐得幾舒服。Emperior Tasting Menu (每位$680，兩位起)頭盤芝麻蝦多士 | 陳醋蜜汁排骨 | 脆皮素春卷三款入面最喜歡芝麻蝦多士，面頭鋪滿芝麻，多士炸得脆身，蝦膠好彈牙，好吃！陳醋蜜汁排骨外層炸過，帶點脆身，酸酸甜甜幾開胃。湖區海鮮羮海鮮羮好足料，有蝦粒、帶子粒、豆腐等，口感同味道都幾豐富。蒜蓉粉絲蒸扇貝扇貝好巨型，而且清理得好乾淨，伴碟嘅粉絲撈埋豉油及蒜蓉正呀！棒棒吉列蝦掛包非常fusion嘅一道菜，中式掛包好鬆軟，包住彈牙炸蝦餅又幾有趣，配搭帶點辣味嘅千島醬汁更惹味。脆皮燒牛肋骨配英式煙肉粟米粒炒蛋飯主菜揀咗牛肋骨，朋友揀咗燒雞，牛肋骨外層炸得好酥脆，肉質腍滑，食落有啲脂肪更香口，蛋炒飯好有鑊氣，飯粒炒得夠乾身，而且好足料。最後仲有甜品，分別有芒果椰絲撻及朱古力撻，芒果椰絲撻椰子味好香。另外餐廳有雞尾酒提供，味道亦唔錯，同時環境幾舒適，店員好親切，會主動介紹菜式，想同朋友好好坐低食飯傾計，呢度都唔錯。