糖宮甜品專門店 (金巴利道)

營業中

休息中

夜晚喺尖沙嘴食完飯經過呢間小店，主打多款特色甜點，中西合壁，有凍有熱，仲有唔少特飲供應，實有一款啱你心水。店內雖小但五臟俱全，上下兩層，堂食或者外賣亦可，價錢親民，值得到訪。好耐無食中式糖水，所以要咗幾款同屋企人share。薏米腐竹雞蛋花，可以補陰益血，補脾和胃，味道清淡，飲落暖笠笠，十分滋潤。芋圓紫米露，煙煙韌韌，帶點口感，甜度適中，令人一試愛上。天氣熱辣辣，最適合食雪梨，能降火化痰，潤肺止咳。雪耳津梨燉椰肉份量十足，真才實料，飲落清甜滋潤。南北杏雪耳燉木瓜同樣出色，帶天然甜味，淡淡材料。而楊枝甘露就正常發揮，酸酸甜甜，滿滿芒果香氣，港人至愛。