西餐大排檔 (已結業)

今日放工約左友人食飯，問佢想食乜，佢就話要試吓間「西餐大排檔」！咁究竟係食「西餐」定食「大排檔」呀！餐廳位於銅鑼灣嘅渣甸中心7/F!一出𨋢門已經覺得餐廳霸氣十足！牆上嘅壁畫為餐廳增添幾分懷舊感。餐廳座位數量唔太多，但環境舒適，燈光柔和，空間都好足夠。霸氣紅色餐巾紙非常搶眼！坐得一陣之後，侍應為我地遞上餐牌，最後我哋嗌左三個前菜兩個湯同兩個主食！先嚟黑毛豬脆包！熱辣辣脆卜卜嘅麵包夾住沾有蜜糖芥茉醬嘅黑毛豬，非常開胃！再嚟黑松露煮日本年糕。汁醬嘅味道有d似黑松露忌廉湯，質感偏稀；日本年糕口感非常煙韌，兩者味道好配合！之後就係焗法國連殻食田螺。所謂嘅「殻」口感有d似雪糕筒，脆卜卜；田螺味道不過不失。呢個海鮮肉骨茶係我全晚覺得最好味嘅！肉骨茶散發住啖啖藥材味，入口甘甜，並附上一隻大鮑魚，鮮味！之後就係友人嘅黑松露蘑菇湯。蘑菇湯的蘑菇超多，湯的中間放咗一匙黑松露，非常香。之後就輪到主食：烤牛脷！牛脷的口感有軟有實，有少少騷味；配菜方面我較為欣賞露筍同蕃茄，非常fresh !之後就係美國安格斯牛扒（7成熟）。安格斯牛扒牛味超濃，肉質鬆化！粉紅色的牛扒，真的好好吃！