老趙越南餐廳

營業中

休息中

友人一直想試呢間米之蓮餐廳，今日終於有時間同佢嚟試試，門口啱啱做緊裝修畀啲棚架遮住晒，搵咗陣先見到，雖然如此但餐廳🍴都係坐滿晒人，等咗陣先有位，午餐🥣選擇都有幾多下，最終叫咗生牛肉🐮河、上湯札肉河、炸蝦🍤餅、越式紅豆奶茶同蜂蜜金桔🍊露。生牛肉🐮河賣相好吸引，特別地配上白蘿蔔，可惜係苦嘅，攪到有啲畫蛇添足，牛肉🐮好大塊，咬落一啲都唔韌開易咬開，不過份量略厭唔太夠，食完都唔太飽。上湯札肉河相對嚟講較為遜色🙁，札肉切得好薄，一啲味道都食唔出，湯底本身唔錯幾鮮甜，但炸蒜同蔥落得太多，攪到湯底都係蔥蒜味。炸蝦🍤餅上菜時已經油光滿面，食落口時已經畀陣油味掩蓋晒本身應有嘅蝦味，只係食到陣陣嘅香料味，較為失望😞。紅豆奶茶係基於好奇先叫嚟試下，奶茶較甜🍬配上紅豆更加甜上加甜，不過兩者配搭無想像中咁奇怪，飲落都唔錯，有少驚喜😚。蜂蜜金桔🍊露成杯只有一塊嘅青檸調味，所以對甜味🍬起唔到任何幫助，不過不失嘅金桔🍊蜜。