祥仔辣辣 (海運大廈) (已結業)

訂座時講明係生日飯，但到場先發現全部甜品均未能供應，但訂座時又唔提一提客人，服務唔多貼心。整體食物質素只屬中規中矩，依然做唔出川菜嘅香。整體份量偏少。中辣水煮魚，其實唔多辣，但辣唔辣比較個人，所以講完就算。最失敗係欠薯粉，即時大打折扣，只有蓮藕、芽菜、萵苣，感覺係成本問題，左扣右扣，不過鱸魚本身不錯，好滑身。口水雞居然係starter份量，得手掌咁大碟，見到即時囧咗…… 不過味道還可以。清炒萵苣，個碟好大，份量就一般啦，食到呢度都明間嘢係咁。薏米檸檬沙冰直頭係伏，首先個半截彎月杯就已經好bad taste，再講個味…… 陣味好怪，但又酸酸地… 好大舊冰，食唔到嘅，完全唔知做咩鬼。後尾見到另一枱叫咗杯甘荀沙冰，個女人飲咗一啖都問個waiter咩嚟…… 大家都係飲茶吧啦。