No. 1 Kitchen (已易手)

星期六o既下晝...天時暑熱...只係想搵間有冷氣o既店食個lunch...咁o岩呢間有位...就佢啦...Lunch set有分兩款~ 有飯意粉o個d...或者輕盈午餐...o岩晒~ 因為我唔係好餓...老公叫o左雜菌鴨胸飯 ($35)...我就叫o左豬仔脾配薯條 ($35)...先來餐湯...係好傑...但有d忌廉一舊舊未溶晒...麻麻地...粟米粒份量都略嫌少o左d...餐飲隨後就到...我同老公都叫o左果汁...但係估唔到一粒冰都無...呢d天時食到尾杯飲品都熱晒lu...雜菌鴨胸飯普普通通啦...無乜驚喜...反而我叫o既豬仔脾雖然等得耐...但真係燒得好正~ 面頭d燒汁窿窿地~薯條份量都唔係多...不過呢個價錢都算係咁啦~ 店員服務都ok~ 整體嚟講中規中矩啦...