No. 1 Kitchen (已易手)

天氣寒冷，為左唔令朋友放假出遠門，唯有自己放工去遠少少，就下佢食元朗 本身book就位食20:30，早到左半個鐘，好彩員工好好人，都肯俾我入去食晚餐 否則就要食西北風做頭盤了 門面看似一般餐廳，但係食完以下既野食之後，完全改觀。先分享下餐廳既餐牌。花多眼亂，我同朋友都心大心細，唔知食咩好 所以用絕招－－問老闆！老闆好好人，好用心咁介紹唔周菜色既用料同整造方法，最後我地聽取左老闆既建議，點左以下既主菜同野飲 1. 龍蝦海鮮忌廉濃湯 ($56; 跟餐$28)餐廳每日晏就開始燉呢鍋龍蝦湯。用料有龍蝦、鮮蝦、青口等海鮮配料（無味精架），所以鮮甜又濃稠，而且好重龍蝦味！呢個湯$28呢講係十分抵飲！因為佢好足料，喜歡海鮮既人更加係必點選！ 2. 龍蝦汁鮮蝦帶子石鍋意大利飯 (跟餐湯及$18飲品, $108)Risotto相信大家都唔陌生，咁龍蝦汁Risotto呢？ 汁用左龍蝦汁取代一般既奶油、酒、同洋蔥；石鍋被加熱至300度高溫上台。我地一邊食，高溫一邊將飯加熱，而且不斷令龍蝦汁收乾，令成個飯既質感較乾身，每粒飯都吸收左滿鮮甜既龍蝦味，而非「汁撈湯」既感覺。配料係鮮蝦同魷魚，令個飯入

因為一早book 左位，所以唔駛等。今次一家人黎食，本來expect 係間再grand d 既餐廳，有d 失望，不過既然黎到，一於試下喇。難得慶祝生日，所以叫左d 貴d 既招牌菜。我叫左個龍蝦汁石鍋飯，屋企人叫左黑毛豬拼蘋果醬，同埋照燒汁黑毛豬石鍋飯。餐湯佢地都有d 講究，忌廉湯會加左d 牛肝菌上去，羅宋湯 d 味又好濃郁。我個龍蝦汁石鍋飯冇想像中咁好食，放左一陣d 飯已經索哂d 汁，同埋d 汁個味有d 怪，唔知點咁。石鍋一路keep 住d 飯好熱，搞到一路想食都唔得，要等d 飯凍番d 先。屋企人個兩個黑毛豬系列都好好食。黑毛豬真係今餐比較推介既食物。照燒汁加埋一d 都唔un既黑毛豬食落好好味，成個飯好快就食哂。黑毛豬加蒜香汁同蘋果醬個個簡直係極品。蒜香汁同juicy 既嫩口黑毛豬超好食，不過呢個都只係平日食西餐既境界。當我試埋蘋果醬之後先知道天外有天。原本只有蒜香味既黑毛豬，加左蘋果醬之後多左一種新衝擊：juicy 嫩口之中再多左一種蘋果既清甜，之前真係完全冇試過。我冇諗過食扒都可以用甜既野配搭。如果佢地花多少少心機會舖面裝修的話，一定可以將店舖檔次提昇好多。下次會再黎試其他野食，個

星期五晚，同老豆落樓下食個晚飯，簡簡單單食個晚餐set，就黎呢間標榜無味精嘅No.1 Kitchen。晚餐加廿六可轉龍蝦湯蝦味十足仲勁多料，有墨魚仔，帶子仔等，鮮甜creamy，唔錯喎。自己點左個E餐，炭燒羊西冷配芥末子汁，再加左$6要蕃茄沙沙。差唔多全熟嘅羊肉但唔韌，好香羊味但唔羶，個人幾鍾意喎。唔想食飯同意粉而要左蕃茄沙沙，一個去皮嘅蕃茄，入面讓左粟米粒，紅椒等，好清甜，食多左蔬果感覺健康啲嘛。老豆要左特別堆介嘅法式香煎鵝肝併美國肉眼扒跟飯，好大塊扒呀～鵝肝煎得外脆內軟，好好味！肉眼扒肉味濃唔錯，老豆係咁話正精品咖啡，老豆要左呢樣，好香好濃味～朱古力咖啡，自己點左呢個，朱古力味較濃，調得唔錯，仲有自家制曲奇餅。平均百幾蚊個人，抵食啦。支持下小店，唔成日幫襯集團了。

閒時也很少過來元朗，但適逢與好友約出來聚一聚的時間，且在朋友極力推介底下，又再一次屈服了。餐廳大字標明主打無味精，雖然對部份注重健康的人來說是一賣點，但對大部份的都市人來說，應該也無特別吸引之處。餐廳賣的是西式晚餐料理，食物價錢合理之餘，賣相也很「給力」，可是裝潢有點像茶餐廳的感覺。頭盤煙三文魚沙律以煙三文魚捲成花，鋪在沙律菜上，簡單而亮麗。沙律菜加了少許黑醋，有開胃之用，而煙三文魚的鹹香則相輔相成，為典型的沙律配搭。龍蝦湯頗鮮甜，吃起來絕沒有油膩口渴的感覺，而且還有海鮮，蝦肉爽口彈牙，用料也算客氣。但顏色與一般龍蝦湯稍有偏差，而且味道略淡不夠濃郁，不知是否不下味精的trade off。大蝦龍蝦湯意大利飯有數隻大蝦，蝦肉沒有過熟，肉質尚算爽口。意大利飯用龍蝦湯來煮，味道特別鮮甜，可是質感有點太濕了。味道蠻不錯，可是質感仍需改進。烤豬肋骨與傳統西式的烤豬肋骨無異，用上燒烤醬烤製，雖味道偏甜，但整體頗為香口惹味。豬肋骨不會太乾，仍有不少肉汁，算是做得不錯。

是日收工，又約左朋友係元朗食飯，原本其實無乜胃口又無乜意見，朋友就提議左去呢間係區內都有一段時間既餐廳開飯。話就話開左好耐，其實我都係第一次試呢間餐廳，原本以為係一間普通西餐，估唔到都比到驚喜無胃口既我。舖面唔算大，心諗無乜特別，餐廳老闆(應該係)見我同朋友望左個MENU一陣都無決定，就望動過黎仲紹下啦。餐廳主打除左西餐之外，仲有幾款石鍋飯，係介紹底下，我地就ORDER左一個韓醬牛粒石鍋飯同一個羊仔扒燒豬肋既雙拼，再加左兩碗老闆話係招牌必試GE龍蝦湯。平時出去普通西餐既龍蝦湯大都係開粉去煲出黎，其實就無乜味道可言，但呢間餐廳既龍蝦湯就不愧係招牌，飲得出真係用龍蝦殼去煮出果隻味，果種濃郁係開粉絕對做唔到，湯料亦都好足，有青口、墨魚仔、帶子、蝦等等，我同朋友飲到一滴都唔剩，胃口番哂黎，仲要唔漏又唔滯，正！至於個雙拼就唔算太大驚喜，可能我比較鍾意羊有羶味，但雙拼果塊羶味較淡，適合唔喜歡羶味的人，燒豬肋就唔錯，個醬好惹味，都可以一試！去到個韓醬牛粒石鍋飯，絕對要比個讚！老闆話特別用有少少辣度既韓醬去做個牛粒既醬汁，食落去惹味聞落去又好香，撈勻D飯同飯焦一齊食味道一流，另外個牛粒老闆話係用USA

元朗市無時無刻都是那麼多人，要找間坐得舒服一點的餐廳都很困難，但是近元朗西鐵站的雞地，當中有不少特色的小型餐廳，這次就來到了一間標榜無味精的餐廳，對於追求健康、淡味飲食的我，實在最適合不過.餐廳面積比較小，只能容納十多客人，但是時間尚早，客人不多，店家安排我們2人坐4人位，所以都幾舒適! 甫坐下，店員即時送上2杯開水，服務也很貼心呢. 晚市套餐選擇十分之多，價錢亦由$68-$133不等，已包括餐湯及$18飲品，相當划算. 我們各自點選心頭好，再一起分享.意大利雜菜湯友人選了雜菜湯，試喝了一口，湯底相當酸甜，是我喜歡的味道，內裡的雜菜也很多，可以補充足夠纖維呢!干邑龍蝦海鮮忌廉湯 (跟餐加$28)橙色的龍蝦湯鮮味濃稠，內裡有爽口蝦肉、魷魚仔、青口等，相當足料! 同時間亦可以嚐到濃濃的干邑味，水準之出色實在很值得加錢來試的. 自家製蒜香汁燒西班牙黑毛豬架伴蘋果醬 ($133)黑毛豬架比我平時吃過的厚身得多，黑毛豬肉相當嫩滑，以蒜香汁作調味，實在惹味呢! 旁邊的蘋果醬亦都很香甜，與黑毛豬都幾夾的. 蕃茄粟米沙沙 (加$6)套餐跟白飯/意粉，但現在晚上都想吃得輕怡一點，所以選了蕃茄粟米沙沙.

平日絕小入元朗的我，一直聽聞元朗很多美食，想入到黎好耐。今晚終於與朋友結伴坐車入元朗食晚餐☺️經過YOHO新商場，有很多大型連鎖餐飲店，我們都一致決定行到屋村附近，發掘一些特色小店。「無味精」食店，大大隻字貼在門口。現在外出吃飯，要吃到無味精很難了。小店經營的食肆，店員非常親切，耐心介紹食物🙆🏻🙆🏻🙆🏻龍蝦海鮮湯👍🏻👍🏻👍🏻非常足料的餐湯。內有鮮蝦，魷魚，青口，帶子。濃郁的龍蝦味，帶有小小白酒的香😙😙鮮蝦爽口彈牙，好足料，每一口都有豐富的龍蝦味道。水牛城雞翼👍🏻👍🏻👍🏻新鮮炸起的雞翼，肉汁豐富，肉質非常嫩滑☺️水牛城醬汁微辣，甜度辣度剛剛好☺️十分惹味。自家製蒜蓉汁西班牙黑毛豬配蘋果醬👍🏻👍🏻👍🏻厚身黑毛豬，剛剛8-9成熟，肉汁豐富。肉質比較韌，但肉味非常濃郁😁😁配上清甜蘋果醬 味道惹味清新。鱈魚柳配龍蝦汁煎飯👍🏻👍🏻餐牌上未有的菜式🙆🏻🙆🏻🙆🏻老闆將推出的新產品。煎飯香口惹味 脆口的炒飯仍保持飯的軟身☺️鱈魚柳配黑松露忌廉汁，味道香濃惹味，黑松露帶出整體鮮甜😁😁芝士朱古力/芝士特濃咖啡（凍）👍🏻👍🏻👍🏻2杯特飲👍🏻甜而不膩，甜度剛好。淡淡芝士味，不會太膩。滿足的晚餐，餐廳服務令我們都大讚🙆🏻

元朗Yoho Mall開了之後，附近食店平日的生意頗為慘淡，開飯時間席上食客寥寥可數，昔日門庭若市的，如今不用等位。晚飯和老公不想行太遠，而且想支持一下小店，於是到食街揾食。之前食過No.1 kitchen的豬手和黑毛豬扒，味道不錯，於是再光顧。小店標榜無加味精，我們order了兩個餐，包括有餐湯和飲品粟米忌廉湯味道淡淡的，有點稀，湯料如粟米欠奉，要灑點黑胡椒增加味道。意大利雜菜湯雖然有蔬菜湯料，但同樣是味淡，味道似羅宋湯多點。芒果汁人工的芒果味，較甜，似紙包飲品的味道。香脆咸豬手片伴蜜桃意大利煎飯 $98咸豬手比之前光顧時細隻了很多，有點失望。豬手肉質很腍，很入味而且香口，唯獨豬皮不夠脆，比較韌。意大利飯壓成餅狀並略煎表面至金黃，更加香口，外脆內軟，這種新食法，令意大飯的口感更不錯。自家製蒜香汁燒西班牙黑毛豬架伴蘋果醬 $133好大隻的黑毛豬架，煎至金黃的表面好吸引。不過食落比較淡味，可以略加多些鹽。可能是太厚身要煎熟一點，導致肉質較為韌。伴碟的醬料有蘋果蓉和蒜蓉汁。蘋果蓉，甜甜的很清新，黑毛豬釀上蘋果蓉吃，很好味！意大利粉加了橄欖油和香草，口感雖然有點油膩，但很香口很彈牙。小店標榜

同家人吃生日飯, 眼見食評中未有劣評, 就想親嚐一下,結果比預期中同樣好~我家一行6人, 各自點選了數份套餐~上菜速度快, 服務態度很好, 雖然侍應是男仔, 但的確幾細心, 值得一讚~我非常欣賞羊扒伴黑松露 & 龍蝦湯~羊扒本身肉質不差, 肥瘦適中, 加上煎到剛剛好, 不會影響口感, 伴著黑松露一併放進口, 簡直愛到不得了, 更重要的是確有羊的味道,我至愛~至於龍蝦湯, 吃得出是用心之作, 有非常濃郁的蝦味, 內有大隻蝦肉, 好好好味道~此舖標榜"無味精" 果然不是吹噓, 有味精與否其實是嚐得出~無味精都煮出那麼好吃的食物, 確實有料子。雖然舖確略為細, 座位較擠迫, 但食物的質素, 態度, 加上平民的價錢, 已經超值, 值得一試。

呢排唔知係咪食得味精多，成日口乾乾，所以朕今日決定為無味精日，但唔係代表今日唔出街食，而係出街食啲無味精既野。於是我又叫我既貼身隨從《幫朕Check下》邊度有（無味精）既餐廳。我既貼身隨從經過一輪明查暗訪，終於揾到No1 Kitchen。一入到去朕就叫左個《炭燒日式牛柳西冷配薯角》，仲升級埋做《龍蝦海鮮湯》，再加埋個《水牛城雞翼》。《龍蝦海鮮湯》有蝦有青口又有墨魚仔，個湯身幾廷身，海鮮味撲鼻，龍蝦味濃，用料夠足值得一讚！！！（湯嗰張相Up極都係反轉，氣煞朕！！！）《水牛城雞翼》佢地話係用特制醬汁，食落微辣帶甜，肉質爽口微彈。本身呢個日式牛柳係配羊西冷既，不過朕係唔食羊既，佢亦都將個羊轉埋做日式牛柳。呢個日式牛柳既特別之處在於佢係用日式既醬料調制，腌制過既牛柳鬆軟再經炭燒處理，外脆內軟，咬落香稔軟嫩，牛味香濃。無味精，有驚喜！－－－－－完－－－－－

去元朗試新野，餐廳的座位唔多，去之前睇過食評，食評推介無味精，龍蝦湯,一於試試，同朋友各叫左2個set,朋友的忌廉湯普通，龍蝦湯要再加錢，試左真係足料，有海鮮，一試難忘，仲有哈密瓜同ham的前菜，份量普通。之後上主菜，朋友的鵝肝拼豬仔骨意粉好香，豬仔骨好juicy有燒烤的味道，意粉有青醬同波菜味，可惜意粉分量唔夠多，大食的朋友未必夠，女士就剛好有多。另外叫左個露荀大蝦珍寶菇x2還拼了薯角，味道的確唔錯，但是同真正寶菇的距離仲差好遠，相比之下肉類個餐比較吸引。最後點餐飲，有普通飲料同果汁，特飲、咖啡就要補差價。問一下侍應的推介，對方對答如流，待客至誠，之後選左凍黑朱古力同凍白朱古力，朱古力幾香濃，杯面舖上四分一cream,黑朱古力仲有朱古力粉，朋友覺得白朱力好滑，但相比之下黑朱古力較有層次。是次兩人光顧唔夠300蚊有找免加一，以西餐而言味道唔錯又無味精，值得推介。

是日跟L小姐用膳找到所打著無味精旗號的西餐廳。味精，出外用膳難避免會吃到味精的菜式，小妹想避免也難避免情況。小妹充滿好奇心下衝著要來這家嘗一嘗那無味精料理。開學後我倆又開始忙了起來，也沒有太多時間見個面了。幸好我倆住在附近，相約吃個晚飯的時間也還有的！近日元朗可算是沸沸揚揚，Yoho Mall形點開幕，找餐廳也是在形點附近的鳳琴街，這的美食不說笑，有時間真的想全部吃一遍！元朗地頭的L小姐早早找到餐廳，七點多已經有不少人在等入座了。L小姐先取位，小妹也隨後趕上。L小姐想吃點飯類，店家推介了個龍蝦意大利飯，意大利飯吃過不少，石鍋上菜的也是頭一次呢！韓食的石鍋在意大利菜色出現，是否一種混合菜！龍蝦汁鮮蝦帶子石鍋意大利飯$108石鍋的熱度也高達300度，確保邊吃時不會冷掉及太膩。店家說龍蝦汁是經長時間熬煮成汁，濃郁香氣是騙不了人的。上菜店員提醒石鍋會很熱，小心燙手。石鍋不斷滋滋作響，小妹的肚子也咕咕作回應。裝飾的有三隻去殼蝦仁，意大利飯的料有菇菌類，紅椒及帶子。入口香氣撲鼻，米粒圓身飽滿且帶嚼勁，濕潤的意大利飯加上爽脆的紅椒，菌類軟淋帶香。原以為吃掉整個會有點膩口，但那龍蝦汁惹味會令人愈吃愈

今天來到元朗這間標榜無味精料理的小店食特式西餐!七點左右到達，但Full House了，所以要花點時間等位，不過都算快，大約十五分鐘左右便有位啦！未有位入座時，外面有椅子給大家坐，不過夏天確實熱左啲啦！侍應很細心，給了我們每人一杯冷開水，還有自家製曲奇給我們試食。還一邊為我們介紹他們的菜單，推薦好味特色的給我們。首要一定先叫飲品，因為天氣實在太熱了！太口喝了！今天我們來個COUPLE DRINK! 黑白雙剎！哈哈！肥死了！我們叫了少Cream的！但還是有點多呢！裡面會有曲奇碎的，好Milky & SMoothly!個人感覺＜濃味黑朱古力曲奇冰樂＞好味啲！我們額外加了$28升級了龍蝦湯，這個勁足料啊！而且是濃湯來啊！侍應特別推介他們的＜水牛城雞翼＞，說這個水牛城汁是他們特製的，所以我們就Order了一個來試試啦！少少辣，可以接受的，對於另一半不吃得辣都接受得來。雞肉好入味，不太吃得重口味的，可能會感覺會略厭咸。見有小朋友Order這個，侍應都好細心提醒他們這個是辣的，可以幫他們走辣！主菜方面，食肉獸的我倆，叫了這個＜炭燒日式牛柳西冷配薯角＞。本來是雙拚來，是牛柳跟羊扒啊！但我們不吃羊的，

見呢度都幾多人話好味 咁岩去元朗就同男朋友去試食～員工好快比左籌我地叫我地坐住等下，我同男朋友坐左一陣係度睇餐牌，過左陣個員工黎問我地係咪諗好食咩呢？諗好佢會叫㕑房整定，免得我地等太耐。咁我地叫左豬仔脾同龍蝦汁墨魚仔意粉，湯就叫左忌廉湯同龍蝦湯，員工有提醒我怕我2樣都係龍蝦會撞，咁我話唔怕，佢就去安排。好快就入到去，我覺得環境都算唔錯。男朋友個湯同飲品都好快送到，佢飲完個豬仔脾都好快上，我都有試食豬仔脾，真係幾好味 又唔算好細隻同有2隻醬比妳選擇。龍蝦湯我覺得好足料，真係好似食龍蝦咁，個底又有d海鮮比我咬下 然後個意粉都係好重龍蝦味同有5塊左右既海鮮～總括今個餐廳都好抵食又好味～可惜對我黎講太遠

由灣仔到元朗，再由元朗去上水，你會怎樣？咁咪令在下雙腳累了不少吧。不過既然元朗是中途站，就不如在這區先找食店醫吓個肚先。既然在元朗，不如想想吃甚麼，突炙醒起了在雞地附近有一食店是想去的，所以便向那方向走。好順景大廈共有三座，每座地下幾乎都是食店，哪怕會餓親？想起的間餐廳便是在二座的No.1 Kitchen，店子細細，只不過是約有十個座位吧，不管甚麼，先看有甚麼好吃的。餐牌中只有簡單的午餐及飲品餐牌，亦有輕盈的午餐，而在下就從午餐中選擇了其中的一款。餐湯是忌廉湯，質感較為普通，稠結度適中，沒有太多的花巧，也沒有太多食材在內。燒汁汁燒豬扒飯。不太明是甚麼是汁燒，沒有花太多時間去研究，燒汁卻略為淡味一點，豬扒軟腍，未見鬆化吧。來一杯蘋果汁，較其他咖啡奶茶有益吧，起碼果糖是天然的，對身體有益吧。整體來說是一個普通的午餐，沒有太過別呢！