陳漢記 (已結業)

凌晨點幾鐘屋企人響大埔飲完野，特登點佢去陳漢記買宵夜先好番黎，一來果度出名收得夜，二來聽聞果度有三寶，煲仔飯、玻璃腸粉，同埋花蟹粥，因為太夜既關係，今次只係試左碗皮蛋瘦肉粥$28。個粥份量唔大，細細碗咁，一個女仔食都未必會飽，不過我宵夜又無乜所謂…全碗粥入面約有半隻皮蛋，皮蛋唔算甘香，中規中矩咁啦，無咩特別。粥底係就係好綿，不過比我想像中稀，d米唔至爆晒，直情係碎晒~瘦肉份量都唔算多，整個粥既味道都幾濃，一d都唔會覺得淡，食完又無咩口喝既感覺，應該無落味精啦。總體黎講唔會覺得有驚喜，但又不致於難食，係份量稍微細左d囉！