日日香鵝肉飯店 (威靈頓街)

營業中

休息中

係中環做完gym就去左附近既「日日香鵝肉飯店」食晏，之前係觀塘見過已經想試下，今次係中環見到所以就入去食。雖然舖頭唔算大，但中間都有兩張大枱，其他位就坐得迫少少。叫得鵝肉飯店當然要叫鵝肉，另外其實仲有好多滷味可以叫。今次叫左個雙拼飯 - 鵝片加自己叫親就會叫既墨魚😂（有睇我食評既應該知道我真係好中意食墨魚）唔想食太多既關係，叫左少飯，但黎到既時候，大家見圖既份量一啲都唔細，所以好彩叫左少飯。至於餸既份量都岩岩好，除左鵝片同墨魚，配料都有扎肉同半隻滷水蛋加菜。鵝肉夠入味都好淋，反而自己覺得墨魚厚身少少就好，但整體黎講算唔錯，中意食滷水既朋友仔不妨去試試，滷水汁都係任大家自己加落去，所以可以按自己喜好加，因為自己會驚太多汁啲飯淋曬。