串燒咖啡 (已結業)

樓上CAFE最適合同朋友傾計聚舊，或者行完街好攰要搵個地方休息下嘅地方😎不過食物都好重要。 主打串燒嘅CAFE真係好少見，所以一於去試下啦！除咗好多款串燒揀，仲有沙律意粉小食添 煙三文魚沙律冷麵- 第一眼望落去以為好乾無味，點知食落又唔係啵！反而係沾滿芝麻醬 自家制脆薯皇- 咸咸地，有啲蘿蔔糕既口感 菠菜汁忌廉煙三文魚意粉- 超多菠菜汁，好滑，而且唔會覺得漏 飲品我地叫咗宇治鮮奶抹茶 & 柚子香橙雜果特飲，好香柚子茶味，有啲果肉，藍梅火龍果士多啤梨青檸檸檬，可以邊飲邊食，好豐富因為串燒即叫即燒，所以會等耐少少，可以邊傾計或者邊玩遊戲咁等食物🎲CAFE提供咗好多GAME👍🏻好多選擇 串燒加咗孜然粉，好香口而且令啲肉質更鮮嫩，又唔會燒得太乾。