岳川串揚

營業中

休息中

收工約左人食飯，朋友介紹下去左近天樂里既日式小店食串燒同串揚。晚上七點左右嚟到，已經坐左好多枱客，想食的話最好預先book定枱。串揚同串燒唔同，串揚係關西名物，以竹籤沾上炸漿油炸，再點一下調過味既串揚汁，別有一番滋味。由左至右分別係1. 枝豆、和風蒜子蕃茄沙律、大蔥豬頸肉2. 紫蘇魷魚卷、黑松露芝士竹輪、燒大蔥、鹽燒雞翼3. 北海道薯仔、香菇串揚、茄子串揚、牛油芝士翠肉瓜串揚做得好出色，脆炸既地方薄薄一層緊貼著食材本身，咬落又唔會好油，點埋醬汁真係一流。鹽燒美國肉眼串值得一讚既係牛肉燒得好好食，未食已經聞到好香，燒得啱啱好。鹽燒牛舌心牛舌咬落充滿肉汁，好好食！燒白鰻燒白鰻亦同樣係必點既食物之一，外層燒到微脆帶甜味，魚肉肉質鮮嫩。汁燒雞胸雞軟骨雞肉幾滑，軟骨亦幾有咬口。炸雞胸雞軟骨汁燒帶子冷烏冬最後食個清清地既冷鳥冬，中和一下油膩感。今餐真係飽得嚟好滿足。