鳥森 (已結業)

生日黎食串燒真係大滿足，見到鳥森多人推介，就黎食下。精選串燒六本 $178包括橫隔肌、黑豚豬腩串、紫蘇里芋豚肉卷、蛋黃漬免治雞肉棒、茄子、冬菇每項串燒唔會燒到好乾，鎖住肉汁之餘亦帶香脆。豬腩串肥瘦均勻，橫隔肌口感亦煙韌，加燒冬菇同茄子又可以減膩。鳥森串燒五本 $158包括雞翼、蛋黃漬免治雞肉棒、雞腿肉、雞胸軟骨、冬菇呢個滿足晒鐘意食雞既人既願望，蛋黃漬免治雞肉棒配紫菜御飯相當match，加埋蛋黃汁拌飯一流。串燒入面最愛係雞胸軟骨，由於取自雞胸肋骨尾部既三角軟骨,皮下脂肪比較少，口感頗爽脆。除左串燒餐點重配埋茶碗蒸、漬物、沙律、伯爵茶等，茶碗蒸口感軟滑且富蛋香。