影片
更多
2017-08-08
520 瀏覽
搬左入YOHO Town無耐，親戚黎左賀新居入伙，適逢樓下新商場開，成班食貨之人梗係第一次時間睇下有咩好野食啦。行行下商場見到新開左間川菜，親戚有唔少好辣之人，即刻拉大隊入去試試喇。等左一陣坐低無耐就有店員過黎話可以用手機scan QRcode睇menu落單，咁新奇第一次用手機落單，大家即刻係咁試玩lol。平時成班人食野個餐牌要傳黎傳去好麻煩，呢個叫菜方法突然變得好方便唔錯唔錯，最岩成班人一齊用，值得一讚。 因為我地有d唔食牛有d唔食魚，所以唔理喇，一開波阿媽就決定叫個毛血旺先，其實我唔知毛血旺係咩黎，仲同表妹講個名好霸氣叫”水煮精品三國毛血旺”，阿媽解釋話係好出名既川菜黎，咩都有好似大雜燴咁，個個都岩食喎。一黎到哇一聲，好大盤好多料!!! 勁岩成班人一齊食，入面d料浸埋麻辣湯好惹味，愈食愈上癮，樣樣都好好食。個個都話呢個好大好抵食，所以已經決定下次再試下其他水煮系列。 等位時見到有串燒食，個個都話想試，所以叫左雞翼拼盤，牛肉，鴨胸，雞腎，帆立貝，秋葵，豬大腸等等啦唔太記得其他叫左咩哈哈。本身好中意食雞翼，佢呢間d雞翼燒得好入味，7隻唔同味道，最中意食香辣芝士同泡菜。佢d串燒會有4隻唔
行行下商場見到新開左間川菜，親戚有唔少好辣之人，即刻拉大隊入去試試喇。
等左一陣坐低無耐就有店員過黎話可以用手機scan QRcode睇menu落單，咁新奇第一次用手機落單，大家即刻係咁試玩lol。
平時成班人食野個餐牌要傳黎傳去好麻煩，呢個叫菜方法突然變得好方便唔錯唔錯，最岩成班人一齊用，值得一讚。
因為我地有d唔食牛有d唔食魚，所以唔理喇，一開波阿媽就決定叫個毛血旺先，
其實我唔知毛血旺係咩黎，仲同表妹講個名好霸氣叫”水煮精品三國毛血旺”，
阿媽解釋話係好出名既川菜黎，咩都有好似大雜燴咁，個個都岩食喎。
一黎到哇一聲，好大盤好多料!!!
水煮精品三國毛血旺
56 瀏覽
0 讚好
0 留言
勁岩成班人一齊食，入面d料浸埋麻辣湯好惹味，愈食愈上癮，樣樣都好好食。
個個都話呢個好大好抵食，所以已經決定下次再試下其他水煮系列。
等位時見到有串燒食，個個都話想試，所以叫左雞翼拼盤，牛肉，鴨胸，雞腎，帆立貝，秋葵，豬大腸等等啦唔太記得其他叫左咩哈哈。
本身好中意食雞翼，佢呢間d雞翼燒得好入味，7隻唔同味道，最中意食香辣芝士同泡菜。
佢d串燒會有4隻唔同辣味既調味粉可以配埋都幾好。
我就食左牛肉串，d肉汁出哂黎，燒得好香加埋調味粉勁惹味，唔夠喉所以叫多左幾串share。另外豬大腸紅椒串同煙肉秋葵串都唔錯。
因為食辣野所以都叫左香茅鮮果沙冰，菠蘿同芒果味，透心涼解辣用好好味，表妹叫左個果茶偷飲左啖都唔錯好多雜果。
sofar今次親戚個個都話好好食，可以下次再試試其他野。
張貼
