星橋居酒屋

營業中

休息中

星期六同老公去中環星橋居酒屋食晚餐。我地叫左五樣野食，居酒屋果然要食串燒，串燒真心正。燒日本河豚乾因為未食過河豚乾，所以叫黎食下，連我唔鍾意食魚乾既人都覺得唔錯，完全無乾淨淨，好難咬既口感，味道甜甜地，燒得好好。牛舌芯牛舌非常爽口彈牙，而且保留肉汁，十分出色。活白鱔魚皮燒到好脆，魚肉好彈牙又肥美，好好食。辣炒牛肉烏冬烏冬食得出係靚烏冬，牛肉微辣，加埋少少蔬菜一齊炒。松葉蟹膏蟹肉炒飯炒飯入面有好多蟹肉，一定要趁熱食，先食到濃濃蟹肉既鮮味，炒飯亦到炒到粒粒分明。