影片
更多
2021-09-28
19 瀏覽
🍴麻醬棒棒雞沙律 HK$68麻醬已經撈好晒，慳返唔少功夫，雞絲好嫩滑，原來餐廳雞類菜式一律採用日本雞，勝在用料上盛。🍴魷魚薯蓉沙律 HK$88薯蓉唔係西式落重牛油去煮，但都好軟滑，薯味濃，仲夾雜咗甘筍清甜，魷魚都幾柔軟。🍴炒枝豆 HK$38用牛油、黑蒜炒香，送酒一流。🍴日本青椒仔 HK$28、鵪鶉蛋 HK$22、雞尾 HK$25、雞皮 HK$28、燒白鱔 HK$78、厚燒牛舌 HK$68、紫蘇芥末豬五花腩 HK$38、燒明太子 HK$68青椒香而不辣。鵪鶉蛋外層煙韌，内裡軟熟，口感特別。雞尾、雞皮香而不膩，雞尾更多咗一股獨特油香，令我諗起台灣夜市嘅燒七里香。我唔食白鱔，朋友話比平時嗰啲油香更重，似銀雪魚。牛舌夠厚，口感令人滿足，牛味濃郁。五花腩油香豐富，紫蘇芥末清新解膩。明太子充滿鹹香，齋食太濃，配青瓜剛好。🍴火炙牛小排拉麵 HK$118香港非拉麵店出品嘅拉麵多數都好伏，但我呢碗就絕非一般貨色，黑蒜油豬骨湯底由餐廳自己熬煮，無味精，帶沉厚香氣，唔算好鹹，頂級牛小排雪花平均，火炙後油香更突出，牛油令湯底更香，溏心蛋軟滑富蛋香，曲麵條尚算彈牙。🍴Asahi生啤（每杯） HK$78生啤由日本
🍴麻醬棒棒雞沙律 HK$68
麻醬已經撈好晒，慳返唔少功夫，雞絲好嫩滑，原來餐廳雞類菜式一律採用日本雞，勝在用料上盛。
🍴魷魚薯蓉沙律 HK$88
薯蓉唔係西式落重牛油去煮，但都好軟滑，薯味濃，仲夾雜咗甘筍清甜，魷魚都幾柔軟。
🍴炒枝豆 HK$38
用牛油、黑蒜炒香，送酒一流。
🍴日本青椒仔 HK$28、鵪鶉蛋 HK$22、雞尾 HK$25、雞皮 HK$28、燒白鱔 HK$78、厚燒牛舌 HK$68、紫蘇芥末豬五花腩 HK$38、燒明太子 HK$68
青椒香而不辣。鵪鶉蛋外層煙韌，内裡軟熟，口感特別。雞尾、雞皮香而不膩，雞尾更多咗一股獨特油香，令我諗起台灣夜市嘅燒七里香。我唔食白鱔，朋友話比平時嗰啲油香更重，似銀雪魚。牛舌夠厚，口感令人滿足，牛味濃郁。五花腩油香豐富，紫蘇芥末清新解膩。明太子充滿鹹香，齋食太濃，配青瓜剛好。
🍴火炙牛小排拉麵 HK$118
香港非拉麵店出品嘅拉麵多數都好伏，但我呢碗就絕非一般貨色，黑蒜油豬骨湯底由餐廳自己熬煮，無味精，帶沉厚香氣，唔算好鹹，頂級牛小排雪花平均，火炙後油香更突出，牛油令湯底更香，溏心蛋軟滑富蛋香，曲麵條尚算彈牙。
🍴Asahi生啤（每杯） HK$78
生啤由日本直送，入口清甜爽口，比罐裝辛口更易入口。
📍碗盛
天后清風街9-11號寶德樓地舖
張貼
