碗盛 (已結業)

天后食日本野會諗起中村屋，串燒會諗起串夠未，今次膽粗粗試間居酒屋，門面大方日式裝潢真淨，睇openrice 不來都開左超過半年。麻醬棒棒雞湯律 $68 一向麻麻沙律既我，其實好想encore呢個！麻醬勁開胃加埋雞肉煮到好嫩滑，雞有雞味，我一個人都可以清哂串燒叫左雞皮、五花腩、多春魚、雞尾、鵪鶉蛋，價錢$20-30，比起中上環yakitori 等$40-50 起跳相對真係抵食好多！特別要讚係多春魚，燒到個皮完整無缺，技巧好好！長崎拉麵 $108 豬骨湯底，正常發揮雜錦天婦羅 $108 蝦、香菇、蕃薯、南瓜各兩件，炸得香口粉漿又薄👍🏻 器皿都好特別鮑魚山芋鐵板燒 $168 食到最後已經飽到🥲 同埋唔記得自己叫左呢個，係原鐵板上熱辣辣，有啲似大板燒但上面勁多芝士好正餐廳仲有VIP房下次可以一班朋友一齊食，就可以再叫多啲野😌—————————————————碗盛 (天后)天后清風街9-11號寶德樓地舖—————————————————