深宵食堂

營業中

休息中

好耐未食過串燒，成日心癢癢，今日嚟到油麻地，即刻上去深宵食堂飲啤酒、食串燒。 樓上鋪居酒屋行木系和風風格，佈置了櫻花、紙傘和店主的日本figure公仔珍藏，好有日式小店格調！餐廳與香港共渡抗疫時艱，店主搜羅到口罩，免費分享給食客，做生意之餘不忘回饋社會，值得一讚! 點咗前菜、多款串燒和主食，當然唔少得冰凍嘅Asahi啤酒。前菜有芝麻八爪魚、蒜片一口和牛粒和風牛肉餅。 不可不試一口牛， 醬汁蒜香濃郁，牛肉味重煙韌多汁!串燒有名古屋雞翼、牛油燒蕃薯、燒八爪魚丸、煙肉荔枝卷和生蒜台灣腸。 名古屋雞翼 外皮微微焦香，灑上白芝麻突出香味，雞肉軟滑鮮嫩。 煙肉荔枝卷 是我的最愛，煙肉油脂豐盛，脆口咸香伴上荔枝清甜多汁，互相平衡最佳配搭!最後食埋豚肉生薑燒丼和日式炒麵 。 豚肉生薑飯份量十足，豚肉鮮嫩，煙韌有飽足感。日式炒麵乾身唔油膩，彈牙爽口!