好燒式串燒專門店 (砵蘭街)

營業中

休息中

同朋友出旺角行街買野，行到攰攰地經過砵蘭街一間串燒舖，見好耐冇食串燒就入去試吓😊我地坐低後，職員好有禮貌咁介紹店舖既熱門食物同埋點餐程序，當我地係電話落單遇到問題時，我地未舉手詢問，職員已經好熱心咁走過黎幫我地講解，非常細心👍我地order左司華力腸、牛脷、牛肋、蠔同安格斯西冷扒。首先講左司華力腸先，司華力腸切開一片片方便我地進食，皮脆外香，仲有少少辣味，非常可口。牛脷爽口有嚼口，而且唔會韌，肉質好軟。牛肋味道濃郁，肉質軟嫩多汁，係口度慢慢咀嚼，會食到D肉汁既香氣，非常鮮味。蠔我地叫左2款唔同口味黎試，蒜蓉蠔蠔身飽滿，加上蒜蓉慢慢燒，令蠔身索晒蒜蓉味，非常香口，另一款係什菌蠔，大大隻非常美味，配料好豐富。安格斯西冷扒外嫩中帶少許咬口，牛肉香濃美味，肉汁夠juicy，可以帶出牛扒既味道。