八焼鳥屋 (已結業)

今日放工約左朋友去左尖沙咀漆咸道，呢間野裝修燈光氣氛好似酒吧，但睇睇menu,原來又有串燒，同埋我最鍾意既生蠔。 首先係我最愛--生蠔，佢有幾隻生蠔，隻隻都好鮮甜，而我最欣賞就係佢杯shooter 生蠔，一啖吞落口，好爽呀口感，驚喜既係佢加左泰式辣檸汁落去，成杯野正到呀..... 海膽威化餅飯用威化餅造底載住d海膽同珍珠米，一啖食哂最正，係威化重未淋既時候食係最適合，海膽亦夠鮮甜，從未試過咁既食法，值得一試 串燒系列用燒豚肉黎包住竹筍，外淋內爽，肉汁加埋竹筍感覺好奇妙...燒汁雞中翼，賣相吸引，但味道比較普通。 燒鰻魚次次食串燒都必叫燒鰻魚，今次唔例外，鰻魚燒得太乾，但味道搭救，加埋佢特別秘製醬汁，總算唔錯。