影片
更多
2023-01-29
161 瀏覽
串燒omakase 試勻各款刁鑽雞部位之前去咗旅行再過埋個新年，終於有時間出下post，趁今日happy fri 要介紹返月頭去灣仔既呢間炭火串燒店—炭火Dining 炎，由日藉主廚山口裕太師傅主理，之前喺日本餐廳田舍家做過好多年，經驗老到～店內坐位唔算多，一路食既時候，店員仲會好chill咁同大家打成一片，感覺就好似去咗居酒屋咁~~氣氛一流！Omakase Menu $1188/位📍前菜有雪菜雞肉軟糕 、魷魚釀三文魚、蝦、用西京汁醃製嘅提子串、蜜餞嘅黑豆串、甘荀沙律、深海池魚卷配秘製梅酒醬。📍椀物年糕麵豉湯入面既七彩年糕粒粒令到成件事精美咗，唔會覺得自已飲緊既只係麵豉湯📍刺身五點分別係鯖魚、油甘魚、海膽帶子、拖羅同埋牡丹蝦，款款都好新鮮📍串燒五本•阿波美熟成雞翼：呢款日本阿波美嘅雞翼係經過2日嘅熟成，令肉入面嘅水份稍微抽乾，令雞肉嘅風味更融入於肉中，食落會更有雞味。•北海道粟米：燒完之後依然脆甜多汁•厚揚豆腐：係用先炸後燒嘅方法所處理，做到外脆內嫩嘅口感，經過炭火嘅燒烤，令豆腐嘅油膩感銳減不少。•青提豬肉卷：豬肉入面包住青提，可以有效減少豬肉嘅油膩感。•牛肉韮菜卷：牛肉燒得好香口，加
之前去咗旅行再過埋個新年，終於有時間出下post，趁今日happy fri 要介紹返月頭去灣仔既呢間炭火串燒店—炭火Dining 炎，由日藉主廚山口裕太師傅主理，之前喺日本餐廳田舍家做過好多年，經驗老到～店內坐位唔算多，一路食既時候，店員仲會好chill咁同大家打成一片，感覺就好似去咗居酒屋咁~~氣氛一流！
Omakase Menu $1188/位
📍前菜
有雪菜雞肉軟糕 、魷魚釀三文魚、蝦、用西京汁醃製嘅提子串、蜜餞嘅黑豆串、甘荀沙律、深海池魚卷配秘製梅酒醬。
📍椀物
年糕麵豉湯入面既七彩年糕粒粒令到成件事精美咗，唔會覺得自已飲緊既只係麵豉湯
📍刺身五點
分別係鯖魚、油甘魚、海膽帶子、拖羅同埋牡丹蝦，款款都好新鮮
📍串燒五本
•阿波美熟成雞翼：呢款日本阿波美嘅雞翼係經過2日嘅熟成，令肉入面嘅水份稍微抽乾，令雞肉嘅風味更融入於肉中，食落會更有雞味。
•北海道粟米：燒完之後依然脆甜多汁
•厚揚豆腐：係用先炸後燒嘅方法所處理，做到外脆內嫩嘅口感，經過炭火嘅燒烤，令豆腐嘅油膩感銳減不少。
•青提豬肉卷：豬肉入面包住青提，可以有效減少豬肉嘅油膩感。
•牛肉韮菜卷：牛肉燒得好香口，加埋佢哋秘製醬汁，令其加更惹味，而牛肉入面嘅韮菜喺燒完之後增添咗一份甘香。
📍油物
芝士蟹肉松葉蟹蓋，表面灸燒過蟹肉有微微焦香，配埋伴碟既紅菜頭薯蓉，味道配搭得剛好
📍蒸物
百合根煮：係一款傳統嘅京都菜，用類似湯圓皮包住經已煮熟嘅鰻魚、金目鯛、銀杏等配料，所以口感好黏糯上面仲有少少嘅日式芥末可以帶出魚肉嘅鮮味。
📍食事
鮑魚糯米飯團：糯米飯用咗秘製醬汁所煮，味道香甜口感軟糯，鮑魚鮮嫩彈牙，口感十足。
📍甘味
係豆腐芝士蛋糕，黑豆布朗尼蛋糕同南瓜班蘭蛋糕。我就最鐘意豆腐芝士蛋糕
除咗omakase set，我地再叫咗幾樣店家signature /有特色既串燒黎試試~ 主力試左好多雞既唔同部位
📍提燈：喺呢度嘅招牌菜，提燈即係雞嘅輸卵管、卵巢同埋未成殼嘅蛋黃，拎起嘅時候未成殼號蛋黃巢似燈籠，所以就有呢個名～至於味道始終都係內臟，可能會有啲肉腥味，但口感好豐富，蛋黃因半生熟，所以有爆漿口感。但卵巢就仲有未成長嘅卵子所以比較脆口，而連住嘅輸卵管就較為彈牙。
📍雞肝醬配威化：威化餅做到雞嘅形狀，將綿滑嘅雞肝醬搽上威化，口感味道都好特別。
📍雞冠：之前都有喺其他串燒店食過，但呢個雞冠因為比較大，口感更而且又無燒到好乾柴
📍雞腸：呢個一定要趁熱食，啱啱燒出嚟嘅雞腸好爽脆，仲有好濃嘅炭燒香味，完全無啲內臟味！
📍雞皮蝦：用香脆嘅雞皮包住爽彈嘅大蝦嚟燒，食到有兩種不同嘅口感，蝦肉亦吸收雞皮嘅油香，令蝦肉更為鮮味。
📍雞肉免治棒：係師傅親自手打，入面仲加咗牛蒡粒同埋香菇粒，令雞肉棒食落更有口感。
📍紫蘇豬肉卷：用豬肉包住紫蘇葉，豬肉燒得好香口，而入面嘅紫蘇葉嘅味道融入豬肉，為豬肉增添一份紫蘇葉獨特嘅香味。
📍酢白子：係剛好時令嘅食材，配埋師傳秘製嘅香醋汁，令白子食落更清爽，更開胃。
📍鹽燒鰻魚：鰻魚用上厚切，再配以鹽燒，保留咗鰻魚原本嘅風味，亦可以突出鰻魚本身嘅鮮甜。
#大口在灣仔#灣仔美食#打卡餐廳#打卡美食#灣仔omakase#廚師發辦#灣仔串燒
#topcitybiteshk#hkfoodie#hongkongfood#hongkonger#hkrestaurant#hkfood#hkig#like4like#followme#photooftheday#foodoftheday#ufoodphoto
張貼
