影片
更多
2024-10-28
690 瀏覽
我平時都唔寫食評，你話我今次幾嬲幾失望，要特登嚟打千字文！🙂↔️原本係因為牛大人成日book咗枱都要等兩粒鐘，所以之後轉食質素同服務都唔錯嘅牛站，但係估唔到今次經歷令我對呢間火鍋店有少少卻步。事緣早兩日已book咗星期六(26/10）晚上七點，四位，為我喺台灣嚟嘅朋友洗塵。始料未及係亞太中心𨋢太多人等太慢，令到我哋過咗五分鐘hold枱時間，張枱俾咗第二班客人。唔緊要嘅，最後我哋十五分鐘後(即七點四）先入到座，牛站已表明九點就交枱，即不足兩小時。算，都唔拗，本來食嘢都開開心心，但係喺我哋仲諗住伸手夾埋啲菜埋尾之際，突然有一位面無表情嘅女侍應(冬姑頭戴眼镜)，口唸著「9:00夠鐘交枱」，同時伸手就拎起個滾燙嘅煲就走，嚇到我哋呆咗。之後佢再返埋嚟繼續收拾我哋枱上嘅食物，包括熟食，我哋已經忍唔到話佢，其實你收枱可以態度好少少，你係可以十分鐘前提醒客人要交枱，而唔係一嚟就拎起個煲，如果我哋夾緊嘢，你突然衝過嚟拎起個煲，我哋縮唔切，啲滾湯潑落去我哋度，邊個負責？但係個女侍應繼續面無表情好唔情願，語氣好晦氣咁話：「我哋後面仲有客等緊，已經鬧緊我哋」，我哋心諗你後面有客要急住翻枱，都唔係咁樣對上一枱客
原本係因為牛大人成日book咗枱都要等兩粒鐘，所以之後轉食質素同服務都唔錯嘅牛站，但係估唔到今次經歷令我對呢間火鍋店有少少卻步。
事緣早兩日已book咗星期六(26/10）晚上七點，四位，為我喺台灣嚟嘅朋友洗塵。始料未及係亞太中心𨋢太多人等太慢，令到我哋過咗五分鐘hold枱時間，張枱俾咗第二班客人。唔緊要嘅，最後我哋十五分鐘後(即七點四）先入到座，牛站已表明九點就交枱，即不足兩小時。
算，都唔拗，本來食嘢都開開心心，但係喺我哋仲諗住伸手夾埋啲菜埋尾之際，突然有一位面無表情嘅女侍應(冬姑頭戴眼镜)，口唸著「9:00夠鐘交枱」，同時伸手就拎起個滾燙嘅煲就走，嚇到我哋呆咗。
之後佢再返埋嚟繼續收拾我哋枱上嘅食物，包括熟食，我哋已經忍唔到話佢，其實你收枱可以態度好少少，你係可以十分鐘前提醒客人要交枱，而唔係一嚟就拎起個煲，如果我哋夾緊嘢，你突然衝過嚟拎起個煲，我哋縮唔切，啲滾湯潑落去我哋度，邊個負責？
但係個女侍應繼續面無表情好唔情願，語氣好晦氣咁話：「我哋後面仲有客等緊，已經鬧緊我哋」，我哋心諗你後面有客要急住翻枱，都唔係咁樣對上一枱客？九點時段先啱啱開始，咁快有客鬧你？仲未計你俾唔足兩小時我？食到滾水淥腳咁？
我哋同個唔知係咪經理但係睇落高級少少嘅男人講返剛才情況，問佢係咪公司要你哋咁樣做（咁樣對啲客），佢都只係重覆女侍應嘅說辭。
以上經歷令我永久blacklist觀塘牛站，至於其他分店，要有待觀察。
張貼
