影片
更多
2008-10-18
3 瀏覽
今日老婆想食烏冬﹐所以再幫趁呢間日式烏冬店。 到達時間係兩點半左右﹐ 已經過左Lunch 既時段。 店內既人客唔算多﹐ 所以我哋兩個人都有卡位坐。上次已經試過五十穀米﹐雖然應該係比較健康d﹐ 但係個人唔鐘意粒粒米質感唔同﹐ 所以要左“日式咖哩肥牛五十穀米飯改珍珠米”(下午茶餐 - $28 連飲品)。 而老婆就要左“吉烈豬扒番茄湯烏冬” (正價menu - $40 無野飲送)。先講個烏冬﹐湯底酸酸哋好開胃﹐ 炸豬扒做得唔錯﹐ 食落唔會太乾﹐ 烏冬都整得幾好。 $40 都算物有所值。至於個飯﹐ 某程度上日式咖哩點都唔會難食﹐ 有自己煮過既朋友應該好清楚點解 (因為個咖哩汁既味道好standardised 下)。 薄肥牛片同珍珠米都處理得唔錯﹐ 不過呢個飯既另一個無名“主角”- 洋葱就好有問題。。。 點解d 洋葱會多到堆滿成隻豉油碟﹐ 仲有成吋厚 -。-﹖ 呢碗飯既比例係 1﹕1﹕2 (洋葱﹕肥牛﹕飯), 而且份量偏細﹐ 相信一般男仔食都唔會夠飽 (就算正價既五十穀米飯都係咁既比例同份量)。 不過以$28 嚟講﹐ 尚算可以吧﹐ 正價(約$40-50) 就覺得唔值喇。服務同環境都唔錯﹐d 侍
今日老婆想食烏冬﹐所以再幫趁呢間日式烏冬店。 到達時間係兩點半左右﹐ 已經過左Lunch 既時段。 店內既人客唔算多﹐ 所以我哋兩個人都有卡位坐。
上次已經試過五十穀米﹐雖然應該係比較健康d﹐ 但係個人唔鐘意粒粒米質感唔同﹐ 所以要左“日式咖哩肥牛五十穀米飯改珍珠米”(下午茶餐 - $28 連飲品)。 而老婆就要左“吉烈豬扒番茄湯烏冬” (正價menu - $40 無野飲送)。
先講個烏冬﹐湯底酸酸哋好開胃﹐ 炸豬扒做得唔錯﹐ 食落唔會太乾﹐ 烏冬都整得幾好。 $40 都算物有所值。
至於個飯﹐ 某程度上日式咖哩點都唔會難食﹐ 有自己煮過既朋友應該好清楚點解 (因為個咖哩汁既味道好standardised 下)。 薄肥牛片同珍珠米都處理得唔錯﹐ 不過呢個飯既另一個無名“主角”- 洋葱就好有問題。。。 點解d 洋葱會多到堆滿成隻豉油碟﹐ 仲有成吋厚 -。-﹖ 呢碗飯既比例係 1﹕1﹕2 (洋葱﹕肥牛﹕飯), 而且份量偏細﹐ 相信一般男仔食都唔會夠飽 (就算正價既五十穀米飯都係咁既比例同份量)。 不過以$28 嚟講﹐ 尚算可以吧﹐ 正價(約$40-50) 就覺得唔值喇。
服務同環境都唔錯﹐d 侍應做野手腳同上菜速度好快 (order 後五分鐘左右就有得食)﹐ 响唔同時段去過幾次都無受到不禮貌既對待。 如果大家晌屯門市廣場想食烏冬既可以試下呢間﹐ 不過要預左好快要再買其他野食醫肚啦。
張貼
