滿屋廚房 (已結業)

星期一人不算多但還是要擰飛等位，等的期間可以睇睇舖頭reception 處有不少木製品賣，價錢合理。今次叫左二人set dinner, $188不用加一，十分適合小資情侶。頭盤揀左煙三文魚沙律，但感覺不到有煙熏過，而且太鹹。主菜揀左招牌喇沙同薄餅，份量夠曬大。喇沙好好味，啲粉索曬啲湯好入味，而個湯有濃郁的蟹味，值得推薦！食左一半，湯已經俾粉索走曬，店員聽到我地嘅對話，主動提出擰多碗喇沙湯出黎，貼心服務！薄餅不過不失中算好味，餅皮薄薄地易咬口，芝士濃度亦符合本人要求。但要彈嘅係飲料，分別叫咗榴櫣咖啡同青檸荔枝綠茶，但都冇味嘅，必須改進。最後的甜品，無特別comment 。衝著碗喇沙，拉勻都係俾好評。