影片
更多
2021-05-10
4931 瀏覽
一個月之前見到有you tube介紹呢度幾好食價錢又唔貴，於是就專登仆定今日仲要請定假同女友去呢間酒店Murray Lane享受下。點知Murray前一日先通知我女友話加價，老屈都無計，假都請埋照去。等到今日，去到發現啲枱很細，似酒吧啲枱仔，估計應該係疫情關係加設做埋brunch，所以枱面係好迫好迫。講返食物，自助bar不過不失啦，有好有不好，無咩好講。講到主菜，之前見youtube係煎三文魚同吉烈豬扒定食兩款，但今天係煎三文魚同豬腩片定食。我於是嗌了豬腩片定食。主菜泥到我O了咀，啲豬腩片係白十，再加啲胡麻醬，我之後諗...唔通啲豬腩片係靚豬，等我食豬的原味？於是擺落口認真食下，頂呀，真係好普通嘅腩片，仲要係又硬又鞋嗰隻(煮過火)，啲飯又硬，我心諗有無搞錯呀，咩主菜泥架😵....白十豬腩片配硬飯，真的酒店出品？？我的天。。後來見到坐响後面的男人指住個定食同侍應講嘢，之後個侍應拎走個定食，估計係投訴個定食。我終於捱完個定食(唔想浪費食物頂硬上😔), 叫個侍應收走餐具，個侍應無啦啦問我個主菜O唔OK, 於是我同佢講超唔掂，點知個侍應回應係輕笑(佢嗰種輕笑係乜原來真係咁差嘅笑)，之後幫我收走
張貼
