大勝丼 (已結業)

丼飯愛好者天堂,丼飯嘅選擇好多,不論係魚生丼定係熟食丼,總會揀到一款啱心水,而且每個丼飯都附送一碗麵豉湯同一罐飲品。身為一個魚生愛好者當然揀左招牌嘅北海道魚生爆丼,有齊晒海膽,北寄貝,帆立貝,三文魚,鯛魚,甜蝦,油甘魚,吞拿魚同三文魚籽。每款魚生刺身都好厚身好新鮮,特別係海膽同帆立貝,好鮮甜。因為我男朋友唔鍾意食生冷野,所以火炙狂牛丼啱晒佢,火炙牛柳粒嘅份量都幾多,熟度啱啱好,食落軟淋,吾會太老。最正嘅係仲有隻溫泉蛋,令珍珠飯沾滿蛋黃同牛油嘅香氣。