影片
更多
2021-05-21
297 瀏覽
經朋友極力推介，終於黎到灣仔嘅新泰食泰國菜果然，朋友真係冇介紹錯！新泰有兩層地方，我地4個人就被安排去到二樓一個小廳入面嘅圓形大枱。坐位都好寬敞，坐得好舒服我地4個人實在太肚餓，所以都嗌左幾多食物首先，就叫左每人一杯飲料。友人叫左椰青，我就叫左椰汁紅豆冰。味道幾好，椰汁味好濃，但又唔會太甜前菜我哋就叫咗泰式柚子蝦沙律。我本身對於柚子冇乜興趣，但係呢個沙律令我另眼相看，一食落去酸酸甜甜，味道層次好豐富，真心好好味 推薦大家食呢個沙律！跟住就係呢個燒西冷牛扒。我哋就叫咗七成熟，而廚師又真係將七成熟拿捏得好好喎。呢個西冷牛扒令到我好驚喜，佢啲肉質非常軟熟，而且因為佢係燒嘅，就會令到外皮脆脆地，仲有啲炭燒嘅香味，非常之吸引！我基本上都冇乜點過啲醬汁㗎，因為個西冷牛扒本身都已經醃得好入味侍應推薦我哋食呢個越式燒春雞釀香茅黃飯，我哋就一於試一試佢，結果都冇令我哋失望啊燒雞燒得好香，雞肉好嫩滑，咬落仲有汁添。黃飯亦煮得好好，一啲都唔油，但就有好惹味嘅泰式香料之後就食咗呢個泰式街邊豬肉串，肉質一啲都唔粗糙，而且串燒燒得好香，點埋個醬汁食就一流啦！想健康啲我哋仲嗌左馬拉盞通菜，食落味道非常豐富，知道廚師
新泰有兩層地方，我地4個人就被安排去到二樓一個小廳入面嘅圓形大枱。坐位都好寬敞，坐得好舒服
我地4個人實在太肚餓，所以都嗌左幾多食物
首先，就叫左每人一杯飲料。友人叫左椰青，我就叫左椰汁紅豆冰。味道幾好，椰汁味好濃，但又唔會太甜
椰汁紅豆冰
17 瀏覽
0 讚好
0 留言
前菜我哋就叫咗泰式柚子蝦沙律。我本身對於柚子冇乜興趣，但係呢個沙律令我另眼相看，一食落去酸酸甜甜，味道層次好豐富，真心好好味 推薦大家食呢個沙律！
泰式柚子蝦沙律
34 瀏覽
0 讚好
0 留言
跟住就係呢個燒西冷牛扒。我哋就叫咗七成熟，而廚師又真係將七成熟拿捏得好好喎。呢個西冷牛扒令到我好驚喜，佢啲肉質非常軟熟，而且因為佢係燒嘅，就會令到外皮脆脆地，仲有啲炭燒嘅香味，非常之吸引！我基本上都冇乜點過啲醬汁㗎，因為個西冷牛扒本身都已經醃得好入味
燒西冷牛扒
42 瀏覽
0 讚好
0 留言
侍應推薦我哋食呢個越式燒春雞釀香茅黃飯，我哋就一於試一試佢，結果都冇令我哋失望啊燒雞燒得好香，雞肉好嫩滑，咬落仲有汁添。黃飯亦煮得好好，一啲都唔油，但就有好惹味嘅泰式香料
越式燒春雞釀香茅黃飯
32 瀏覽
0 讚好
0 留言
之後就食咗呢個泰式街邊豬肉串，肉質一啲都唔粗糙，而且串燒燒得好香，點埋個醬汁食就一流啦！
泰式街邊豬肉串
30 瀏覽
0 讚好
0 留言
想健康啲我哋仲嗌左馬拉盞通菜，食落味道非常豐富，知道廚師一定用咗好多配料同香料去炒
馬拉盞通菜
27 瀏覽
0 讚好
0 留言
食泰國嘢又點少得咖哩。我地就叫左泰式青咖哩配豬肉，味道好濃郁，辣味剛剛好，而且佢好足料，豬肉同蔬菜份量都好多。待應見我地食咖哩，仲介紹我地叫埋印度酥餅。酥餅煎得好鬆脆，用佢黎點咖哩一流我地最後差唔多食哂成碗咖哩汁啊
泰式青咖哩
13 瀏覽
0 讚好
0 留言
雖然4個人食咁多嘢已經好飽，但係又點可以唔嗌甜品呢我地叫左呢個泰式甜品大拼盆，有5款甜品待應極力推薦當中嘅芋頭糯米糍，話係師傅自己由頭到尾人手做架我就最欣賞佢個糯米飯，啲飯由黑糯米同白糯米組成，而且芒果好甜，呢個配搭十分出色
泰式甜品大拼盆
16 瀏覽
0 讚好
0 留言
總括黎講，呢個晚餐我十分之滿意，好耐冇食過咁好味嘅泰國菜喇，而家又唔係好貴，都幾抵食
張貼
