龍門冰室 (已結業)

終於試到呢一間非常之紅嘅龍門冰室，去咗銅鑼灣嘅分店，呢一日係平日嘅晚上，大概等咗15至20分鐘，兩個人嘅枱呢係快啲會等到嘅。佢雖然叫冰室，但係佢嘅食物呢係比茶餐廳更多樣化，又有扒餐，又有意粉焗飯，西式嗰啲意大利飯都有，亦都有普通茶餐同撈丁等等。叫咗一個瑞士汁雞翼麵配多士同埋蛋，好經典嘅茶餐廳餐，好似唔使50蚊嘅，正正常常咁囉。另外嗌咗個是日晚餐，仲會跟餐送羅宋湯。全部餐都係會包一杯嘢飲，即係檸檬茶奶茶嗰啲。羅宋湯就比較細碗，我影呢張相係未食已經係得咁少，個餐呢就係椒鹽豬扒叉燒飯，佢豬排係即整嘅，所以好熱辣辣，但係叉燒呢就比較凍少少， 我就覺得只係一般啦。坦白嚟講，我覺得佢食物水平只係一般，但係能夠同一班同路人一齊食飯，係開心嘅， 畀錢換單上面呢一個句可能好多人都覺得值得嘅。