影片
更多
2014-01-23
2824 瀏覽
以前成日收工都會去北角和富道上面嘅阿鴻小吃晚飯，好多時八點後都會等位生意滔滔不絶，至從榮穫米芝蓮推介之後更加大排長龍，都有好幾年無去過，雖然機場都有開分店但路途遙遠所以無試過，當知道官塘開咗又大又易搵到位嘅新店，即刻約埋官塘做嘢嘅朋友去試。 由於中午時間怕無位所以佢哋一早去登記攞位，不過最終都要等齊人至可以入坐。新店面積比舊店大，裝修、運作較現代系統化，有著住西裝嘅店長招呼客，穿著整齊制服嘅侍應、廚師。午飯時間大枱都以搭枱居多，由於大部份食客都係喺附近返工，所以流轉都好快。 餐牌圖文兼備，款式大至上同舊店差唔多，仲有賣樽裝XO醬同招募會員, 果然與時並進有心大攪，家陣見老闆無再坐陣廚房而係於舖面打點。例湯木瓜唐排: 一大碗足夠兩個人分，湯料豐富有木瓜、排骨、淡菜等等，火候十足味道濃郁，同屋企煲嘅味道一樣。南乳炆齋: 係一味家常菜，大年初一都會必備，有冬菇、粉絲、雲耳、雪耳、支竹、豆卜、白果、津白....，南乳非常惹味，齋都可以好豐富，不過略為咸咗啲。醉鴨舌: 份量好多每條都好厚肉又唔會太淋，個醃汁酒味香濃每條鴨舌都入晒味。鹵水掌翼: 表皮顏色深過鹵水鵝好多，翼無乜肉較乾身，皮連筋膜嘅位
新店面積比舊店大，裝修、運作較現代系統化，有著住西裝嘅店長招呼客，穿著整齊制服嘅侍應、廚師。午飯時間大枱都以搭枱居多，由於大部份食客都係喺附近返工，所以流轉都好快。 餐牌圖文兼備，款式大至上同舊店差唔多，仲有賣樽裝XO醬同招募會員, 果然與時並進有心大攪，家陣見老闆無再坐陣廚房而係於舖面打點。
例湯木瓜唐排: 一大碗足夠兩個人分，湯料豐富有木瓜、排骨、淡菜等等，火候十足味道濃郁，同屋企煲嘅味道一樣。
南乳炆齋: 係一味家常菜，大年初一都會必備，有冬菇、粉絲、雲耳、雪耳、支竹、豆卜、白果、津白....，南乳非常惹味，齋都可以好豐富，不過略為咸咗啲。
醉鴨舌: 份量好多每條都好厚肉又唔會太淋，個醃汁酒味香濃每條鴨舌都入晒味。
鹵水掌翼: 表皮顏色深過鹵水鵝好多，翼無乜肉較乾身，皮連筋膜嘅位置咬唔開。
鹵水鵝: 最近睇電視至知道原來鵝肉睇起嚟每間店都差唔多，但係片鵝肉嘅方法有唔同，阿鴻小吃嘅鵝片係正正方方好大片肉皮部分較少，肉質都幾軟熟而鹵水味道有層次淡淡滲出香料味。
素鵝: 素鵝腐皮有多層，好似海綿咁吸盡鹵水汁，咬落去每層都爆汁夠晒淋滑，大家都好鐘意食個唔停。
湯浸蘿蔔：無為以係邊款湯浸味道唔重，蘿蔔爽甜不過煮得熟透啲會更多汁。
仲叫咗一個撈麵，朋友埋單好似要八百幾，官塘工廠區都算高消費。
張貼
