嫲嫲辣辣 (福榮街) (已結業)

已經N年冇黎，最近亦多左新午市餐牌。見到呢個二話不說就要食，$68三個送，包一碗飯同飲品（枝裝汽水或豆漿）。以前叫一個乾鍋都要百幾蚊，冇野飲，今次呢個抵食呀。叫左中辣香辣、紅薯粉、茄子同五花腩，都唔細碗架，仲有白飯，超飽。成碗野食完都剩返好多辣椒其實成碗野最辣唔係啲辣椒，試過食辣椒，但一啲都唔辣，因為啲辣椒籽全部撈晒個乾鍋入面。真係辣得超過癮！佢有得揀麻辣、香辣同紅燒如果你唔食得辣，可以揀少辣。如果唔食辣，都可以揀唔辣，即係紅燒。下次我真係想挑戰大辣！