影片
更多
2021-11-03
67 瀏覽
出街食飯，大多數都係食日菜韓菜西餐果d，自己出黎食飯係比較少揀中菜。不過有時講開上海野，就會想去食。所以今晚就去左食上海野，而黎左始創呢間上海野食dinner，就係因為有次行過見佢裝修都幾靚，又坐得幾爆，我諗應該唔差。同門口行過望既一樣，地方闊落又裝修得唔錯。係咁易睇再睇睇個menu啦，因為其實黎之前都睇過幾次，食d咩都心裡有數。頭盤叫左一陣好快就上。我地揀既頭盤係花雕醉雞。黎之前都想食醉雞架啦，黎到之後叫唔少人都叫，咁就唔洗諗啦。醉雞既肉質嫩滑呢個就梗，雞肉滑得黎都有咬口。而且個花雕味都好入味，因為個酒味都好濃。雞肉唔會好咸，淡淡地得同花雕好夾。飲一啖湯汁，個酒勁都幾勁，夠足料，唔錯。跟住黎既當然就係小籠包。我地叫左一籠普通小籠包，仲有不時不食既蟹粉小籠包。小籠包都唔小籠，個size都算幾大隻。大隻還大隻，最緊要小籠包既皮冇好厚，但又唔會薄到一夾起就穿。普通小籠包啖啖肉又多汁，既可以啜啖湯，分開兩啖食。又可以攤一攤然後一啖一隻，一啖一隻就可以喺口入面爆汁。蟹粉小籠包除左啖啖肉，咬開個頂，一了開就見到金黃既蟹油，甘香爆汁，正。主菜同主食我地叫左經典既賽螃蟹，之後再黎多個蟹粉炒年糕。冇計
同門口行過望既一樣，地方闊落又裝修得唔錯。係咁易睇再睇睇個menu啦，因為其實黎之前都睇過幾次，食d咩都心裡有數。
頭盤叫左一陣好快就上。我地揀既頭盤係花雕醉雞。黎之前都想食醉雞架啦，黎到之後叫唔少人都叫，咁就唔洗諗啦。醉雞既肉質嫩滑呢個就梗，雞肉滑得黎都有咬口。而且個花雕味都好入味，因為個酒味都好濃。雞肉唔會好咸，淡淡地得同花雕好夾。飲一啖湯汁，個酒勁都幾勁，夠足料，唔錯。
跟住黎既當然就係小籠包。我地叫左一籠普通小籠包，仲有不時不食既蟹粉小籠包。小籠包都唔小籠，個size都算幾大隻。大隻還大隻，最緊要小籠包既皮冇好厚，但又唔會薄到一夾起就穿。普通小籠包啖啖肉又多汁，既可以啜啖湯，分開兩啖食。又可以攤一攤然後一啖一隻，一啖一隻就可以喺口入面爆汁。蟹粉小籠包除左啖啖肉，咬開個頂，一了開就見到金黃既蟹油，甘香爆汁，正。
主菜同主食我地叫左經典既賽螃蟹，之後再黎多個蟹粉炒年糕。冇計，大閘蟹食唔夠就係會想食蟹粉既菜式。賽螃蟹既調味夠濃，而且火喉夠，食得出有鑊氣。但有鑊氣得黎，蛋白依然嫩滑唔會老。比起之前喺連鎖店食既賽螃蟹，呢度又濃味又有鑊氣既係別有一番風味。
至於蟹粉炒年糕，望落好似冇咩蟹粉咁，但其實食落都好濃。唔止有蟹乸既燈黃色蟹膏，仲好似食到蟹公既白色蟹膏。年糕炒得夠林，又沾滿哂蟹粉整出黎既醬汁。一舊又一舊，好快就夾哂。
最後當然唔少得甜品。其實揀甜品都struggle左一陣，最後都係想食又香口又甜既炸銀絲卷。銀絲卷炸得夠香脆，金黃色，岩岩炸起熱辣辣，督一督聽到嗦一聲。熱氣都係咁話啦，趁熱夾一舊，沾一沾香甜既煉奶，滿足。銀絲卷話明銀絲，就想炸左都應該係銀絲。呢度既銀絲卷係做到入面一絲絲既效果，完全冇整到出黎好似炸饅頭咁實得得，唔錯。
醉雞又食左，小籠包又食左，蟹粉既菜式又左，食埋個銀絲卷，捧住個肚走。走果陣見門口有牌話佢地有十一道蟹粉宴，網上book仲有買一送一，好似好抵咁。如果呢個月食唔夠大閘蟹，買一送一既話都可以黎試試佢。
張貼
