辣媽川湘私房菜

營業中

休息中

自從疫情開始，已經有九個月返過深圳，期間都在香港四圍找尋好味嘅酸菜魚，可惜仍然食不到深圳嘅味道，有啲魚唔夠滑，有啲魚嘅份量較少。偶爾看到討論區有網友介紹辣媽，今天剛好入元朗，當然要去試下，果然不負所望，我叫左中辣，一整條魚，魚肉香滑，骨位有炸過更香。配嘅係幼身粉絲，個人口味覺得配上較粗嘅薯粉，可能會更正。仲有點左炸豬手，都係深圳水準，正。呢間餐廳不設訂位，我見到門口有部 GULU 㩒飛機，但無遙控取飛功能，我 6:30 去到已經差不多坐滿，晏去要有等位嘅心理準備。