燒肉臻 (已結業)

聽朋友介紹，呢間餐廳有得任飲清酒，曾經流行過嘅任飲終於有機會可以回味返，不過以前飲酒就係玩，但而家飲酒真係想同朋友傾吓偈，襯好朋友生日一於飲多幾杯。我哋首先點左啲小食開下胃先，薯仔沙律，同埋燒明太子，燒明太子辣辣地寧捨開胃。見到甲羅燒一定要叫來食下，可以自己燒更加可以符合自己口味，因為我鍾意燒得比較耐啲，出邊有啲會燒得冇咁香，而家我鍾意點食都可以，真係好鍾意食蟹羔，普通配塊餅已經非常好食。之後，點咗隻聖子都好大隻好鮮甜，仲點左幾款唔同嘅肉，例如雞肉，豬腩片，雞心，同埋牛舌等，全部都好有水準。可以自己燒，有得玩有得食，過程都幾得意，最精彩一定係和牛，普通燒兩下，已經可以夾起，好濃郁嘅牛肉香味，而且入口即溶嘅感覺真係好滿足，一次過食到三款唔同嘅和牛，真係好幸福。雖然任飲只係90分鐘，以我哋而家嘅酒量其實都非常足夠，我同壽星女都過咗一個好開心嘅晚上。