黑鉄屋 (已結業)

我最鍾意食嘅拉麵真係一年食一次都唔知得唔得。經過本人多次請求，我終於食到喇~((自嗨mode我點咗金兵衛，硬麵。前菜---有瓜有檸檬，紅椒，辣椒等被醋浸漬住，味道酸辣唔會澀，非常清新。前菜每星期換款。金兵衛---辣肉醬，叉燒兩片，黑木耳，香蔥，流心蛋，紫菜。我選硬麵，麵嘅硬度啱啱好。辣肉醬唔太辣適合怕辣嘅人食，紫菜印有舖頭logo好特別。叉燒厚度適中，用五花腩。湯絕無味精，非常濃味食完唔會口渴。流心蛋係完整嘅一隻蛋。食完拉麵後，店方送上法國玫瑰烏龍茶。店員話比客人試飲，遲啲個以約六十蚊一杯售出(可添飲一次)飲起上嚟甜甜地，成個口都係花香~拉麵係好個人化嘅食物，每人嘅喜好唔同。我就好好滿意呢餐，所以我覺得$88蚊係值嘅。