影片
更多
2022-07-16
809 瀏覽
為咗順路去尖沙咀教主碼頭打卡，所以我同朋友預先訂定枱食「人和月雞煲火鍋店」。打電話留座嗰陣，接線店員態度好好，而安排我哋入座嘅亦係佢(銀色/淺色頭髮嘅女士)，因為我認得佢把聲，佢聲音好聽，講解清晰👍。餐廳四周圍都係Anson Lo…嘅OOHA飲品廣告，正中我哋下懷😆。呢度整體環境OK，裝修唔算特別靚，不過坐得舒服，而且最緊要乾淨衛生，自助區亦然。是日餐前小食係辣椒粉煉奶薄脆🥛，薄脆有啲似蛋散，脆卜卜。辣椒粉辣度小兒科，主要食到甜奶味。喺食任食火鍋之前，先嚟一個頭盤，但呢個頭盤並非沙律或細細碟嘅涼拌菜，而係雞煲或烤魚主菜，雖然唔係任食，但份量好足！我哋揀咗原創酥皮麻辣芝土雞煲🐔，酥皮造型無得輸，似加加加大碼嘅酥皮湯。除咗賣相好之外，🥐酥皮仲好香牛油味，酥脆得嚟唔油膩，沾辣汁食更出奇地夾。我哋兩個女仔不理卡路里，將佢整個K.O.！店員先放低酥皮雞煲俾我哋影相，然後就會幫手搞拌。🧀拉絲芝士混入於麻辣汁之中，充當中和作用嘅同時，亦令芝士本身冇咁漏。我哋嗌咗BB辣🌶，辣度啱啱好，加上有大量其他食材如花椒、蒜頭同洋蔥等一齊爆香，麻香顯著，非常惹味。雞件份量唔少，幾厚肉，並無碎骨。食到咁上下就準備轉
為咗順路去尖沙咀教主碼頭打卡，所以我同朋友預先訂定枱食「人和月雞煲火鍋店」。打電話留座嗰陣，接線店員態度好好，而安排我哋入座嘅亦係佢(銀色/淺色頭髮嘅女士)，因為我認得佢把聲，佢聲音好聽，講解清晰👍。
餐廳四周圍都係Anson Lo…嘅OOHA飲品廣告，正中我哋下懷😆。呢度整體環境OK，裝修唔算特別靚，不過坐得舒服，而且最緊要乾淨衛生，自助區亦然。
是日餐前小食係辣椒粉煉奶薄脆🥛，薄脆有啲似蛋散，脆卜卜。辣椒粉辣度小兒科，主要食到甜奶味。
喺食任食火鍋之前，先嚟一個頭盤，但呢個頭盤並非沙律或細細碟嘅涼拌菜，而係雞煲或烤魚主菜，雖然唔係任食，但份量好足！我哋揀咗原創酥皮麻辣芝土雞煲🐔，酥皮造型無得輸，似加加加大碼嘅酥皮湯。除咗賣相好之外，🥐酥皮仲好香牛油味，酥脆得嚟唔油膩，沾辣汁食更出奇地夾。我哋兩個女仔不理卡路里，將佢整個K.O.！
酥皮麻辣芝土雞煲
6 瀏覽
1 讚好
0 留言
椰青香茅青檸湯
7 瀏覽
0 讚好
0 留言
為咗唔浪費咁出色嘅湯底，我哋就算飽都堅持要食麵🍜，以索盡椰湯精華。呢款「火鍋粉」類似寬薯粉，麵條滾耐啲都唔怕，直至佢透明為止，口感先變得煙韌。
牛肉拼盤
12 瀏覽
0 讚好
0 留言
作為吃到飽嘅餐廳，供任食嘅食物款式幾多，有部份經手機落單，其餘就喺雪櫃自取❄️。自取區主要擺放各式蔬菜、豆製品同丸類，肚皮有限，無乜可能每款食匀晒。同時，飲品區選擇亦都好多，當然唔少得OOHA，而我就推介無糖冷泡茶🍵。
2 瀏覽
1 讚好
0 留言
嚟到尾聲甜品部份，我認為好玩又好食，杯裝雪糕係基本嘢🍨。我仲自製咗三色芋圓豆腐花仙草，唔單止賣相似模似樣，味道都一樣掂。放題店竟然會提供咁有誠意嘅甜品，值得加分。
總括嚟講，人和月係久違嘅高質雞煲任食火鍋店😋，酥皮麻辣雞煲令人印象深刻，其他食物質素亦不俗。最後介紹埋價錢，其實我哋係食緊每位定價$298嘅精選牛肉吃到飽套餐。即使係最平個餐，質素已經好好，有好多嘢食。如果想食海鮮，就可以考慮另外幾款餐！
張貼
