陳鵬鵬潮汕菜館

營業中

休息中

好耐無食潮州菜喇！！！去開沙田新城市揾朋友，就去陳鵬鵬食返餐啦🤩.兩個人叫到成枱都係野食，係有少少過分嘅，不過真係有好多野想食嘛🤭.鹵水拼盤當然唔少得啦，我就喜歡食啖啖肉嘅鵝肉嘅，鹵得入味，又唔死咸，再配住個鹵水豆腐食，味道相當不錯。.我地仲叫左個蠔仔烙，大大片，好厚呀！有粒粒蠔仔，煎炸得個表面幾脆，不過就略嫌多左粉漿，少少遮蓋左蠔嘅鮮味。😝.我個人幾欣賞個香煎鯧魚，唔好睇佢薄薄地，會煎到好乾，其實佢肉質好滑架！香口得黎又滑溜溜，抵讚呀！👍🏻.當然唔少得個海鮮砂鍋粥啦，有好多海鮮呀，又蝦又蠔又蜆，再有少少菜脯調味，係正嘅！