海皇粥店 (東港城) (已結業)

以前細個母親大人早餐成日都叫我食粥，細個覺得又熱又無口感，人大哋口味變咗好多，雖然我食嘢先傾得上清淡，但係間唔中都會想食粥，而且覺得好味。粥底唔重味，都幾綿，不過油器類除咗油條外其他就一般，另外呢間分店職員好有禮貌。Q牌油器：煎堆，其實3件抵啲，不過職員話賣晒。海龍皇餐：海皇一品粥，鮮蝦腸(半份)，油條，豆漿。我覺得用配件唔夠鮮所以粥帶唔出鮮味，好普通，腸粉幾好，豆漿香濃。特餐：+$7油器一件(牛脷酥)皮蛋碎牛粥，蝦米腸。+$8凍奶茶生滾西洋菜豬膶粥配油條，豬膶唔老無渣唔會太薄又爽口，好味。生滾粥餐：+$14叉燒腸皮蛋滑牛粥，油條半客。腸粉嘅餡都幾多，皮蛋都好味，唔係實心嗰種。