影片
更多
2021-04-29
2053 瀏覽
對上一次飲茶都唔記得幾時，今日同朋友去咗新城市飲茶，去到大堂有北京樓、翠園、潮庭呢三間酒樓，間間都有得食點心，都唔知有咩分別，所以就求其揀咗一間。呢碟餐前小食好正都只係 $20 蚊，所以叫咗兩碟 😋 有青瓜、花生、豆卜、酸菜、木耳等等。蝦餃 ($43)，燒賣 ($38) : 兩款都好大粒好足料，而且又係即叫即整熱辣辣。👍🏻薑蔥牛柏葉 ($38) : 比我預期中出色，牛柏葉大大件，而且又唔會話剩係得幾舊 👍🏻 仲有細豆卜做伴碟。蜆芥綾魚球 ($43) : 綾魚球炸得幾脆口，而且啖啖肉，不過配上蜆芥食略為喊咗啲。迷你鹵水拼盤 ($68) : 每款都有四件，啱哂咩都想食少少，但又怕份量太多既人。😋小黃瓜海蜇頭 ($70) : 呢款係屋企人叫既，感覺適合做晚飯小菜多啲 😝 海蜇頭同小黃瓜都好新鮮同爽口。整體嚟講都唔錯，不過可惜飲嘅時間撞唔正早茶同下午茶，所以就冇優惠，如果唔係就更理想。
呢碟餐前小食好正都只係 $20 蚊，所以叫咗兩碟 😋 有青瓜、花生、豆卜、酸菜、木耳等等。
蝦餃 ($43)，燒賣 ($38) : 兩款都好大粒好足料，而且又係即叫即整熱辣辣。👍🏻
薑蔥牛柏葉 ($38) : 比我預期中出色，牛柏葉大大件，而且又唔會話剩係得幾舊 👍🏻 仲有細豆卜做伴碟。
蜆芥綾魚球 ($43) : 綾魚球炸得幾脆口，而且啖啖肉，不過配上蜆芥食略為喊咗啲。
迷你鹵水拼盤 ($68) : 每款都有四件，啱哂咩都想食少少，但又怕份量太多既人。😋
小黃瓜海蜇頭 ($70) : 呢款係屋企人叫既，感覺適合做晚飯小菜多啲 😝 海蜇頭同小黃瓜都好新鮮同爽口。
整體嚟講都唔錯，不過可惜飲嘅時間撞唔正早茶同下午茶，所以就冇優惠，如果唔係就更理想。
張貼
