華星冰室 (E-Max) (已結業)

去得九展咁隔涉嘅地方一係睇show，一係做野。餐廳選擇唔多，為咗方便就揀咗呢間茶餐廳。除咗一般茶記有嘅嘢， 作為專業ADB控嘅我就畀佢個《老外套餐$48》吸引咗。招牌個名，我同同事異眼同時睇錯咗做《老套外餐》🤣 $48蚊仲要連嘢飲，咁抵食本身諗住冇咩期望。呀！估唔到個炒蛋又幾好食！塊烘底牛油多更加係highlight。見佢仲有《油央多$18》好吸引就試埋。本身期待係一大嚿邪惡牛油喺入面好似菠蘿油咁，點知啲牛油係 熱溶咗落個包度。咖央味都唔算好出，反而有啲失望。