新潮樓 (已結業)

近排係九龍灣返工，食飯真係多咗好多選擇，今晚夜收工叫埋同事一齊食埋晚飯先回家， 同事介紹公司樓下的潮洲菜館不錯，菜式既傳統但好味，服務有酒店水準，坐位舒適闊落，適合談天聚舊的地方茶：鐵觀音水滾茶靚，有香濃純厚甘潤茶香自選滷水三拼鵝片，鵝腸同腎片滷水汁好入味，鵝片大塊啖啖肉，鵝腸爽脆彈牙，腎片略帶嚼口，連埋花生食好有咬口新潮小炒王有大排檔小炒王鑊氣， 蝦醬鮮魷炒韭菜，炒得非常香，帶有鹹鮮味，當中有蝦乾、魚仔、魷魚，勁有咬口，鮮香惹味，送飯一流香煎蠔仔酪潮州菜必食,這裏的做法做得特別香脆, 粉漿的比例特別多, 咬落相當酥脆，蠔仔好大粒飽滿，呈奶白色，味道新鮮，配魚露好味竹笙北菇燉菜膽湯（一位用）湯底相當清甜，竹笙爽口，冬菇同菜膽混合起來鮮甜而不油膩普寧蘿蔔灌漿待應特別推薦，潮州菜一樣非常著名的美食，用腐皮卷包住，蘿蔔炸得甘香酥脆、外脆內軟，非常有咬口，值得一試反沙竽期待已久的潮式甜品，雖然製作需時但值得的，是一道考功夫的甜品，將芋頭炸後不停將糖翻炒至沙，令到外面非常酥脆，裏面芋頭軟綿綿，一點都不油膩整體而言，這裏服務不錯，週末時更有Live Band 助興