花園酒家

營業中

休息中

兩個人悶悶地，又唔知食D咩，咁就走左入去邊爐。原來兩個人係唔準九點前入坐，所以我地兩個就九點後先入場。等左五分鐘我地就有位，上到去招呼一流，無論由帶位、開位、叫湯底、叫送叩飲品、上菜、執檯，所有服務都好好，唔會得失任何一位客，因為我地見到第二檯既客，一樣都係招呼周到，所以係呢方面真係要俾滿分佢。到D食物，我係一個食丸既人，十種丸我都叫左六種，可惜唔係手打，唯獨貢丸係最好味，我男朋友就覺得D肥牛好好味，而且有支裝可樂飲，所以覺得呢間酒樓唔錯。可能夏天關係，胃口始終都係一般，所以我地叫左一轉野食，睇埋大結局就走，整個場都放滿高清電視，不過就收得好差啦！