潮州合成甜品

營業中

休息中

要食合成一定要等天氣凍因為我最鐘意食佢啲清心丸，覺得熱食係最好味嘅！打完邊爐特登過嚟食潤番吓，我哋要咗： 潮州綠豆邊清心丸：清心丸仍然好煙靱彈牙， 淡淡嘅甜味可以比我更細心咁欣賞佢；綠豆邊份量好多好夠，唔會煲到稔晒冇得咬，食完好飽！ 蓮子馬蹄沙清心丸：蓮子味道甜蜜而質感鬆化，入口即溶，我估啲蓮子係先用糖煲或者佢係用咗糖蓮子，不過老公話比我聽新鮮的蓮子是甜的！呢個甜品因為有馬蹄所以仲爽啲，蛋花亦有蛋香，味道配搭唔錯！每年冬天會嚟多啲食甜品！