大和堂咖啡店

營業中

休息中

已經係第三次嚟呢一間位於九龍城嘅特色茶餐廳，餐廳內同餐廳外面裝修懷舊，有舊香港嘅情懷，打卡一流！喺7月1日嘅早上，九龍城非常之靜，所以呢一間打卡王亦都唔使排隊。後來發覺點解唔需要排隊，因為佢最出名嘅雞蛋仔雞係要11點後先至會出爐。小妹完全唔記得咗，所以好失望。退而求其次唯有叫佢嘅早餐，叫咗煙三文魚滑蛋三文魚子多士。有驚喜，入口爆珠，味道豐富。另外友人叫咗豬柳強，即係pancake加honey加豬柳。可能本人唔係太好pancake，所以覺得麻麻地。不過朋友就覺得好好食。敗筆之處居然係佢哋嘅主打大和堂鮮奶咖啡。鮮奶味完全蓋過咖啡味，我同朋友飲咗一啖就冇再飲啦。