蟹仙海鮮蒸氣鍋 (龍崗道)

營業中

休息中

天氣開始轉冷，係時候食吓蒸海鮮。選了呢間很多好評及想試很久的蟹仙。佢有不少套餐選擇，我今次選了每位$419 的尊貴海鮮套餐。先上可即食的秘製原隻乾鮑及西蘭花，鮑魚幾大隻、很入味及味道不錯。跟住就係蒸海鮮，有專人幫我哋煮，逐道菜逐道菜幫我哋蒸，食完再蒸，可以食到熱辣辣的海鮮，很好的服務。個套餐包含咗唔同嘅海鮮，特別欣賞以下幾樣：青年龍蝦，新鮮生猛係魚缸撈來蒸，每人有半隻，龍蝦肉彈牙好味，點埋醬更正！最特別係有罕有藻食綠膏蟹，很多蟹膏，我這蟹后也未食過，幾特別！另竟也有饅頭蟹，早知叫貴點的餐，若大隻d 應更正！最後仲有個粥底，混埋所有海鮮的精華及湯汁，鮮美好味，食了滿滿一大碗，大滿足。