潮薈館

營業中

休息中

是日到咗九龍城，同朋友在潮會館食晚飯，大概七點多嚟到，全店滿座，門口仲有人等緊位添。店家見咁多人等，就開埋二樓，估唔到樓上一層地方都好大，裝修都幾好㗎行中國風。睇下餐牌食咩先，店員隨即附上潮州三寶之一鹹酸菜，咬落爽口好開胃。⭐鹵水鵝拼盤先來個鹵水拼盤，除咗鹵水鵝，仲有鹵水豆腐、雞蛋、紅腸同豬腩肉，滿滿一份滷得入味，再點下個酸醋真係幾正喎。⭐椒鹽九肚魚跟住上枱嘅有椒鹽九肚魚，即叫即炸好香脆，入面嘅魚肉又嫩又滑，個脆漿仲做得唔錯添，望落好似好厚身，但係食落唔膩㗎😋⭐豉汁蒸大鱔最後仲點左個蒸鱔，份量唔少，火侯蒸得啱啱好，入口爽口冇腥味，正🤤⭐白飯咁好餸，梗係要叫返個白飯啦，撈鱔汁都唔知幾滋味。好味好味，下次再嚟食過先。