瀛鍋

營業中

休息中

去九龍城多數都係諗住食泰國菜，但今次同朋友去咗瀛鍋食火鍋，佢哋嘅湯底足料又養生，食材超高質，令人超滿足。餐廳座位非常寬敞，而且有兩層，樓上有多間包廂，可以俾多人聚會，或者商業聚會開party。餐廳內仲有一個兒童遊玩區專俾小朋友玩，而且玩樂空間都幾大，好貼心啊！特瀛刺身紋甲魷魚、希靈魚、三文魚、北寄貝，四款唔同刺身。紋甲魷魚口感爽口鮮貼，三文魚更加係至愛，厚切上。花膠濃雞鍋滋補養顏嘅花膠濃雞鍋，經過長時間嘅熬煮，湯底超濃郁，每一啖都能感受到濃厚嘅滋味。而且入面超級足料，有好多花膠又香滑又厚實，雞肉鮮嫩，仲有大大塊魚唇、竹笙等等，真係會令人忍不住多飲幾碗。海鮮盛盒有兩款選擇，我哋今次揀咗小盛盒，擺盤非非有賣相，而且海鮮非常新鮮，最愛聖子皇，彈牙口感；仲有魷魚、花甲等食材，一次過加入火鍋，令湯底更鮮甜，正！牛肉羊肉兩拼霜降肥牛輕涮即熟，香口嫩滑，牛肉味飄香，正！羊肉片鮮嫩，營養價值高，膻味一點也不重！