影片
更多
2018-12-25
3055 瀏覽
近來去飲茶的地方食到有d悶,就算訂了檯,去到都要等先入得。見九龍灣有新開酒樓,雖然在寫字樓區,但都試一試佢。12點幾去到,只係得幾張檯有人,可能真係地點問題,比起商場既酒樓靜好多。食到差不多完,都坐咗七八成。但因為佢有房,所以唔知房有無人坐。環境都唔差,因為新開無耐,所以都好乾淨。坐位都好闊落,一d都唔迫。亦都因為人唔多,所以好好招呼,不斷有人飲茶。唔知係咪茶錢包咗,因為成$25一個茶位。好,講返食物,一般酒樓的點心都有供應。仲有一d特別少少既,如竹炭义燒包,潤腸波菜餃等。另外炸雲吞都推介,好脆,脆到你一咬個個都聽到聲(因為太靜啦間酒樓)。鮑汁鳳爪不過不失。另匿個生煎野菌包都ok,但我覺得唔夠脆。紅棗糕可以,同另一間食開既拍得住。匿個就係竹炭义燒包,食唔出有咩分別。食完之後仲叫埋甜品,蘆薈荔枝糕,金絲蛋散。雖然甜品唔係做得好出色,但係佢可以一件件叫,最少叫兩件,人少少可以叫多幾款。整體嚟講,靜靜地,慢慢嘆吓係一個唔錯既選擇。
12點幾去到,只係得幾張檯有人,可能真係地點問題,比起商場既酒樓靜好多。食到差不多完,都坐咗七八成。但因為佢有房,所以唔知房有無人坐。
環境都唔差,因為新開無耐,所以都好乾淨。坐位都好闊落,一d都唔迫。亦都因為人唔多,所以好好招呼,不斷有人飲茶。唔知係咪茶錢包咗,因為成$25一個茶位。
好,講返食物,一般酒樓的點心都有供應。仲有一d特別少少既,如竹炭义燒包,潤腸波菜餃等。另外炸雲吞都推介,好脆,脆到你一咬個個都聽到聲(因為太靜啦間酒樓)。
鮑汁鳳爪不過不失。
另匿個生煎野菌包都ok,但我覺得唔夠脆。
紅棗糕可以,同另一間食開既拍得住。
匿個就係竹炭义燒包,食唔出有咩分別。
食完之後仲叫埋甜品,蘆薈荔枝糕,金絲蛋散。雖然甜品唔係做得好出色,但係佢可以一件件叫,最少叫兩件,人少少可以叫多幾款。
整體嚟講,靜靜地,慢慢嘆吓係一個唔錯既選擇。
張貼
