富怡粉麵中西美食餐廳

營業中

休息中

今日冇乜胃口食飯，所以去左公司附近既粉麵鋪食。睇到門口餐牌都知貴，但唔又想食飯，都照入去試下係咪值比呢個錢。坐低嗌左個牛根粗麵套餐包油菜同飲品（69蚊）。碗野黎到湯底多油，再試一啖麵，麵係淋既！一啲都唔爽口！個湯底仲好咸！同出面3x蚊一碗麵個質素差咁老遠！完全唔值呢個價錢。唯一諗到可以賣到咁貴既原因就係附近冇粉麵鋪競爭（好似係）。最離譜係員工衛生問題，一早烚定一大堆菜，午市人多預定啲菜我理解既，問題係當有客要油菜個時佢係用手‘’拿” 上碟！雖然帶左手套，但佢會用同一隻手去拎抹枱毛巾抹枱。大佬呀！識唔識用食物夾嫁？仲比我見到啲菜跌左落枱，係會用手“拿‘’返上隻碟比人食。幻想下啲菜撈左抹枱啲污嘈野一齊食，幾噁心！永冇下次，可以black list bye！