七月餐室 (已結業)

假期懶洋洋，瞓醒已經過咗早餐時段，就同男朋友一齊搵下九龍灣有咩餐廳。估唔到近九龍灣工廠區都幾多餐廳下。全日早餐（牛扒、煙肉、腸仔、黑松露炒蛋、茄汁焗豆、蕃茄、沙律及多士）呢個全日早餐非常豐富有肉有菜仲有澱粉質，滿足左我咩都想食少少嘅慾望。牛扒都算大塊，上面淋有好香嘅蒜蓉汁。黑松露炒蛋都好濃郁。椒鹽豬扒配炒飯豬扒嘅份量真係超多，數落好似都有六/七舊，男朋友都爭啲食唔晒。豬扒好香口，聞落都覺都幾香。仲有啲紅蘿蔔做配菜，可以解下油膩。特飲鹹檸雪碧成日覺得玻璃樽嘅雪碧特別好飲，再將鹹檸篤爛，鹹鹹甜甜，幾正。咖啡紅豆冰咖啡紅豆冰已經好少餐廳有做，粒粒紅豆食落好滿足，配上香口嘅咖啡感覺唔錯。