七月餐室 (已結業)

今日去九龍灣記得有間叫七月餐室d食物吾錯，所以特登去試下。見menu上有極多選擇，中式小菜及西餐一應俱全，因為晚餐關係想食飯，最後揀左3款小炒。今次order左蜜桃甜酸百花球、黃金雞中翼、金銀蒜粉絲蒸鮮魷，飲品有雜果賓治及經典紅豆冰。蜜桃甜酸百花球甜甜酸酸十分醒胃，百花球魚肉鮮味又彈牙，青椒、紅椒、洋蔥等配菜加甜酸醬好味道。黃金雞中翼外脆內嫩，表層炸得甘香可口，再加上香濃入味嘅鹹蛋黃醬真係冇得輸。金銀蒜粉絲蒸鮮魷嘅鮮魷煙煙靱靭口感十足，而且夠新鮮，加埋索晒精華嘅粉絲，跟飯食好正。雜果賓治及經典紅豆冰係兒時回憶，而且十分消暑解渴。