影片
更多
2022-09-10
114 瀏覽
今日嚟到MegaBox諗住試吓呢間新開嘅法國菜，見到OpenRice上面有好多好評，環境都非常之好，但啲食物質素真係好一般，價錢貴但係冇呢個質素！不可一不可再。🥖麵包 (3/10)法包偏硬有麥香，比較韌，牛油都比較淡。🥗蜜瓜沙律 (5/10)沙律菜都清爽，蜜瓜好甜，黑醋比較濃味同偏甜。🍴 炭燒盲曹魚柳配水果番茄伴牛油燒汁 $158 另收加一 (3/10)個魚肉肉質比較鬆散，好來，冇乜魚味，但都唔算鞋口，個醬汁有啲唔知點講，唔酸唔甜，好淡，連番茄味道都冇乜，入邊啲蔬菜煮得太淋，冇口感，真心一般🫥🍴鮮帶子藍青口燴飯配龍蝦忌廉汁 $128 另收加一 (7/10)意大利飯好淋，但食落粒粒飽滿都有口感，龍蝦忌廉汁唔算太濃，但都有香味，食到有龍蝦肉粒，入面仲有菇去增加口感，個人覺得蕃茄仔未算同龍蝦汁好夾，帶子煎得啱啱好都算鮮甜，唔會有腥味，青口有海水味都算爽口有口感，亦都唔會腥。🍴千層酥 +$36 (0/10)千層都香脆不過覺得太燶，有苦味，吉士醬都唔算好香甜，唔好食！🍰芝士蛋糕 +$25 (3/10)芝士蛋糕味道唔算好濃，好輕微嘅芝士味，質感比較濕同埋偏粉狀，不了。☕️CAPPUCCIO +$20
🥖麵包 (3/10)
法包偏硬有麥香，比較韌，牛油都比較淡。
🥗蜜瓜沙律 (5/10)
沙律菜都清爽，蜜瓜好甜，黑醋比較濃味同偏甜。
🍴 炭燒盲曹魚柳配水果番茄伴牛油燒汁 $158 另收加一 (3/10)
個魚肉肉質比較鬆散，好來，冇乜魚味，但都唔算鞋口，個醬汁有啲唔知點講，唔酸唔甜，好淡，連番茄味道都冇乜，入邊啲蔬菜煮得太淋，冇口感，真心一般🫥
🍴鮮帶子藍青口燴飯配龍蝦忌廉汁 $128 另收加一 (7/10)
意大利飯好淋，但食落粒粒飽滿都有口感，龍蝦忌廉汁唔算太濃，但都有香味，食到有龍蝦肉粒，入面仲有菇去增加口感，個人覺得蕃茄仔未算同龍蝦汁好夾，帶子煎得啱啱好都算鮮甜，唔會有腥味，青口有海水味都算爽口有口感，亦都唔會腥。
🍴千層酥 +$36 (0/10)
千層都香脆不過覺得太燶，有苦味，吉士醬都唔算好香甜，唔好食！
🍰芝士蛋糕 +$25 (3/10)
芝士蛋糕味道唔算好濃，好輕微嘅芝士味，質感比較濕同埋偏粉狀，不了。
☕️CAPPUCCIO +$20 (5/10)
咖啡味唔夠香亦都唔夠濃，帶有少少得苦，真心😅
推薦指數: 4/10
除咗個龍蝦意大利飯係合格之外其他都真係好一般，價錢偏貴但冇呢個質素，得個賣相靚但個味道真係麻麻😣 MegaBox真係有其他更好嘅選擇唔使特登嚟食！
張貼
